Kulinariya

Çay saatlarında fərqlilik axtaranlar üçün Aebleskiver resepti

8 Avqust 2026 03:03

Baxış: 3 408

VTB-də minimal faiz dərəcəsi ilə nağd kredit 9.9%-dən

#KULİNARİYA

Danimarka mətbəxinin ənənəvi şirniyyatlarından olan aebleskiver görünüşü ilə kiçik pankek toplarını xatırladır. Xüsusi gözlü tavada bişirilən bu nəfis un məmulatı çölü yüngülcə qızarmış, içi isə yumşaq toxuması ilə diqqət çəkir. Şəkər pudrası, mürəbbə və ya meyvələrlə təqdim edilən Aebleskiver resepti fərqli səhər yeməyi və şirniyyat reseptləri sınamaq istəyənlər üçün əla seçimdir.

Milli.Az nəfis ətirli aebleskiver reseptini təqdim edir:

Tərkibi:

2 stəkan un

2 xörək qaşığı şəkər tozu

1 çay qaşığı qabartma tozu

1 çay qaşığı soda (karbonat)

1 çimdik duz

2 ədəd yumurta

2 stəkan süd

2 xörək qaşığı əridilmiş kərə yağı

1 paket vanilin

Bişirmək üçün:

Kərə yağı və ya duru yağ

Üstü üçün (təqdimat):

Pudra şəkəri

Mürəbbə

Təzə meyvələr

Hazırlanması:
Geniş bir qabda un, şəkər, qabartma tozu, soda, duz və vanili qarışdırın.

Başqa bir qabda yumurtaları çalın.

Südü və əridilmiş kərə yağını əlavə edərək qarışdırın.

Maye qarışığı quru inqrediyentlərin üzərinə tökün.

Hamar və axıcı bir xəmir əldə edənə qədər qarışdırın. Xəmiri həddindən artıq çırpmamağa diqqət edin.

Aebleskiver tavasını orta odda qızdırın.

Hər bir gözü yüngülcə kərə yağı ilə yağlayın.

Xəmirdən gözlərin təxminən dörddə üçünü dolduracaq qədər tökün.

Xəmirlərin alt hissəsi bişməyə başlayanda çubuq və ya kiçik bir spatula vasitəsilə diqqətlə çevirin.

Aebleskiver toplarını çevirərək hər tərəfinin bərabər şəkildə qızarmasını təmin edin. İçlərinin də tamamilə bişdiyinə əmin olun.

Bişən Aebleskiver-ləri servis boşqabına yığın.

Üstünə pudra şəkəri səpib mürəbbə və təzə meyvələrlə süfrəyə verin.

Nuş olsun!

Müəllif: Ülkər Vəliyeva (Milli.Az redaktor)

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ