Qozlu içlikli peçenye resepti

Ağızda dağılan xırtıldayan xəmiri və daxilindəki nəfis qozlu dolğusu ilə çay saatlarının favoriti olmağa namizəd olan bu resept həm praktik hazırlanması, həm də ətri ilə mətbəxinizə istilik qatacaq. Xüsusilə qəhvə və çayın yanına çox yaraşan bu şirniyyat darçınla zənginləşən içliyi sayəsində hər tikədə ev üsulu dadların ən özəl halını hiss etdirir. Uzun müddət təravətini qoruyan bu un məmulatı qonaq süfrələri və ya şirniyyat krizləri üçün mükəmməl bir alternativdir.

Milli.Az lazım olan ərzaqları təqdim edir:

Xəmiri üçün:
125 qr kərə yağı

Yarım çay stəkanı duru yağ

1 ədəd yumurta

3 yemek qaşığı şəkər pudrası

2 yemək qaşığı qatıq

1 paket vanil

1 çay qaşığı qabartma tozu

2,5 stəkan un

İçliyi üçün:
1 stəkan iridən çəkilmiş qoz

2 yemək qaşığı şəkər tozu

1 çay qaşığı darçın

Üzü üçün:
Şəkər pudrası

Hazırlanma qaydası
İlk olaraq otaq temperaturunda yumşalmış kərə yağı, duru yağ, yumurta, şəkər pudrası və qatığı geniş bir qaba tökün. Materialları yaxşıca qarışdırın.

Vanil, qabartma tozu və unu hissə-hissə əlavə edərək ələ yapışmayan, yumşaq konsensensiyalı bir xəmir yoğurun.

İçliyi hazırlamaq üçün ayrı bir qabda qoz, şəkər tozu və darçını qarışdırın.

Xəmirdən qoz böyüklüyündə parçalar qopardın və ovucunuzun içində yayın. Ortasına hazırladığınız qozlu içlikdən qoyub bağlayın. Yuvarlayaraq dairəvi şəkil verin.

Kurabiyələri yağlı kağız sərilmiş soba listinə aralı şəkildə düzün.

Əvvəlcədən 175 dərəcə qızdırılmış sobada üzəri yüngül çəhrayı rəng alana qədər təxminən 20 dəqiqə bişirin.

Sobadan çıxan kurabiyələr tamamilə soyuduqdan sonra üzərlərinə şəkər pudrası səpərək servis edin.

Xəmirin yumşaq olması kurabiyələrin ağızda dağılmasını təmin edir. Buna görə də unu birdən-birə deyil, az-az əlavə edin.

İçliyin çox quru olmamasına diqqət edin; ehtiyac yaranarsa, içərisinə çox az əridilmiş kərə yağı əlavə edə bilərsiniz.

Sobadan çıxan isti kurabiyələri ilk istiliyi keçənə qədər yerindən tərpətməyin, əks halda tez dağıla bilərlər.

Şəkər pudrasını mütləq kurabiyələr tam soyuduqdan sonra səpin, yoxsa isti xəmirin üzərində əriyərək pis görünüş yaradar.

Qozlu kurabiyələri çay, qəhvə və ya ilıq süd ilə servis edə bilərsiniz. Süfrə təqdimatını daha zəngin etmək üçün servis boşqabını darçın çubuqları və bütöv qoz ləpələri ilə bəzəyə bilərsiniz. Yay aylarında yanında bir top vanilli dondurma ilə təqdim etmək də fərqli bir ləzzət yaradır.

Lalə Qüdrətova
Milli.Az