İran

ABŞ və İran arasında müharibəni başladan həmin o detal

3 Mart 2026 00:29
Baxış: 3 401
VTB-də minimal faiz dərəcəsi ilə nağd kredit 9.9%-dən
#ABŞ

ABŞ və İran arasında Cenevre mütəxəssislərinin iştirakı ilə davam edən nüvə müzakirələrinin niyə uğursuzluqla nəticələndiyi və müharibənin necə başladığı barədə şok detallar bəlli olub. İranın Xarici İşlər Naziri Abbas Arakçi ilə ABŞ-nin xüsusi nümayəndəsi Stiv Vitkoff arasındakı dialoq tərəflər arasındakı bütün körpüləri yandırıb.

Milli.Az xəbər verir ki, son iclasda İranın Xarici İşlər Naziri Abbas Arakçi uran zənginləşdirilməsi məsələsində geri addım atmayacaqlarını qışqıraraq ifadə edib. O, uran zənginləşdirilməsinin İranın vazkeçilməz haqqı olduğunu kəskin şəkildə vurğulayıb.

ABŞ-nin Yaxın Şərq üzrə xüsusi nümayəndəsi Stiv Vitkoff isə Arakçinin bu emosional çıxışına soyuqqanlı, lakin hədələyici bir şəkildə cavab verib: "İstəyirsən, indi gedə bilərəm." Bu ifadənin diplomatik dildə "danışıqlar bitdi, hərbi variant işə düşür" mənasına gəldiyi bildirilir.

Bu gərgin görüşdən cəmi bir neçə gün sonra, fevralın 28-də ABŞ və İsrail İrana qarşı genişmiqyaslı hərbi əməliyyata başladılar.

İran Qızıl Aypara Cəmiyyəti bombardmanlar nəticəsində 555 nəfərin öldüyünü və 747 nəfərin yaralandığını təsdiqləyib.

Hücumlar zamanı İranın ali lideri Ayətullah Əli Xameneyi və digər yüksək rütbəli rəsmilər həlak olublar.

İran müzakirələrin pozulmasına və hücumlara cavab olaraq ABŞ bazalarının yerləşdiyi ölkələri hədəf alıb:

Qətər, BƏƏ və Bəhreyn ərazilərindəki hədəflər İran tərəfindən vurulub. Bu, münaqişəni sadəcə iki ölkə arasında deyil, bütün regionu əhatə edən bir müharibəyə çevirib.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.