İran

"Ayfon" İrana 100 milyonlarla dollar ziyan vurdu

3 Sentyabr 2024 18:23

Baxış: 2 071

VTB-də minimal faiz dərəcəsi ilə nağd kredit 9.9%-dən

#IRAN #TEXNOLOGİYA #DOLLAR #İPHONE

Ayfon mobil telefonlarına qoyulan idxal qadağası səbəbilə İrana 900 milyon dollar zərər dəyib.

Milli.Az axar.az-a istinadən bildirir ki, bunu İran Mobil Telefon İxracatçıları Assosiasiyasının prezidenti Əbdülmehdi Əsədi deyib.

Onun sözlərinə görə, Prezident Məsud Pezeşkianın qurduğu yeni hökumət idxal qadağasını aradan qaldırmasa, bu zərər gələn il 1,3 milyard dollara qalxacaq.

"Son 2 ildə Ayfon idxalının qadağan edilməsi ölkənin valyuta ehtiyatlarının idarə olunması hədəfinə nail olmağı çətinləşdirməklə yanaşı, təxminən 900 milyon dollarlıq valyutanın da ölkədən qeyri-qanuni çıxmasına səbəb olub. Rabitə Nazirliyi və Sənaye Nazirliyinin qadağanı aradan qaldırmaq istiqamətində iş apardığına dair məlumatlar var".

Qeyd edək ki, İranın mobil telefon idxalının 1/3-dən çoxu Ayfon modellərinin payına düşsə də, Ayfon-14 və 15 model telefonlarının ölkəyə idxalı və qeydiyyatı qadağandır. Qadağa ölkəyə qaçaq yolla Ayfon modellərinin gətirilməsinə səbəb olub.

Milli.Az
Xəbərlərimizi WhatsApp kanalımızdan da oxuyun