Maraqlı

Windows 10 torrent və kriptovalyuta mayninqi tətbiqlərini bloklamağa başlayıb

5 Avqust 2021 23:55
0 Şərh     Baxış: 1 465

Bu ayın əvvəlində Microsoft özünün Defender antivirusunun çalışma siyasətinə dəyişikliklər əlavə etmişdi. Bundan sonra arzuolunmaz tətbiqlərin bloklanmasını təmin edən alqoritm sistem tərəfindən şübhəli bilinən tətbiqlərin yüklənməsinin və işə salınmasının qarşısını alacaq. Bu cür tətbiqlər siyahısına torrent və kriptovalyuta mayninqi tətbiqləri də daxil olublar. Arzuolunmaz tətbiqlərin bloklanması funksiyası hələ 2018-ci ildə təqdim olunmuşdu. Lakin həmin vaxtda istifadəçi onu PowerShell sistem aləti vasitəsilə fərdi şəkildə aktivləşdirməli idi.

Bir neçə müddət bundan öncə təqdim olunmuş yenilənmə sayəsində isə bu funksiya Windows Defender-də avtomatik olaraq aktivləşir. Bu funksiyanın vəziyyətini Windows-un təhlükəsizlik ayarlarında yoxlamaq mümkündür. Microsoft şirkətinin potensial təhlükəli tətbiqlər siyahısına daxil etdiyi tətbiqlər arasında P2P şəbəkələrdə fayl mübadiləsi üçün olan bəzi tətbiqlər, kriptovalyuta mayninqi ilə əlaqəli olan proqram təminatları, istifadəçinin zövq üstünlüklərini analiz edib onları yığmaqla məşğul olan reklam və marketinq tətbiqləri var.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.