Paroksizmal taxikardiya və növləri

Paroksizmal taxikardiya qəflətən başlayan və qəflətən qurtaran ürək vurğularının sayının dəqiqədə 140-250-yə çatmasıdır.Proksizmal taxikardiya düzgün ritm saxlanması ilə gedən ürəkdöyünmə tutmalarıdır.
Ürəkdöyünmənin mexanizmi:
1 Oyanma dalğasının təkrar daxil olması və dövri hərəkəti
2 Ürəyin keçirici sisteminin ektopik mərkəzlərinin hüceyrələrinin avtomexanizminin artması
Paroksizmal taxikardiyanın əmələ gəlmə səbəblərinə aşağıdakı xəstəliklər aiddir:
- kəskin miokard infarktı,miokarditlər,kardiopatiyalar,ürək qüsurları
- ürək əzələsinin müxtəlif xəstəlikləri
- əlavə anormal keçirici yolların olması
- qabarıq vegetativ-humoral pozğunluq
- vissero-kardial reflekslərin və mexaniki təsirlərin olması(mitral qapağın prolapsı,bitişmələr)
1 Qulaqcıq paroksizmal taxikardiyası
Bu zaman patoloji impulsların mənbəyi qulaqcıqlarda yerləşir və aşağıdakı səbəblərdən baş verir:
- idiopatik forma stenokardiya
- kəllə travması
- öd daşı xəstəliyi
- kəskin miokard infarktı
- arterial hipertenziya
- ürəyin revmatik qüsuru və s.
Qulaqcıq paroksizmal taxikardiyasına diaqnozun qoyulmasında EKQ-nin nəticələri əsas götürülür.Qulaqcıq taxikardiyanın əlamətləri aşağıdakılardır:
* qəflətən başlayan və qəflətən qurtaran,düzgün ritm ilə gedən ürək döyünmə tutmaları
* mədəcik kompleksindən azalmış,deformasiya olunmuş,ikifazalı və ya mənfi P dişinin olması
* bəzi hallarda arteriya venalarının keçiriciliyinin zəifləməsi və s.
2 Atrioventrikulyar paroksizmal taxikardiya
Düzgün ritm saxlanılması ilə gedir,qəflətən başlayır və qəflətən qurtarır.Bu zaman ürək 1 dəqiqədə 140-220-ə qədər qalxan tutma şəklində döyünür.
3 Mədəcik taxikardiyası
Əmələ gəlməsində miokardda və ya mədəciklərin keçirici sistemində oyanma dalğasının dövri hərəkəti əsas rol oynayır.Mədəcik taxikardiyası kəskin miokard infarktında,xroniki ürəyin işemik xəstəliyində,miokarditdə,kardiomiopatiyalarda meydana çıxır.

Milli.Az