Maraqlı

iOS istifadəçiləri 2 dəfə daha çox pul xərcləyirlər

6 Aprel 2021 20:55

Baxış: 689

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

App Annie adlı analitik platforma smartfon istifadəçilərinin tətbiqlərə nə qədər vəsait xərclədikləri barəsində məlumat verib. Məlum olub ki, 2021-ci ilin birinci rübündə App Store və Google Play platformalarının gəlirləri rekord həddə çatıb. Bununla belə məlumatda qeyd edilib ki, iOS istifadəçiləri Android istifadəçilərindən fərqli olaraq bu məsələdə daha çox pul xərcləyirlər. Beləliklə 2021-ci ilin birinci rübü üzrə App Store-da 21 milyard dollar dəyərində tətbiq və oyun əldə edilib.

Google Play-in isə həmin dövr üzrə gəliri 11 milyard dollar təşkil edib. Nəticədə ümumi hesabat dövrü çərçivəsində sözügedən platformalar ümumilikdə 32 milyard dollar gəlir əldə ediblər. Bu isə 2020-ci ilin birincü rüb göstəricisindən (23 milyrd dollar) 40% yüksəkdir. Analitiklərin fikirlərinə əsasən tətbiqlərə olan yüksək tələbat pandemiya ilə bağlıdır. Bu ilin birinci rübü ərzində istifadəçilər hərgün təqribi olaraq milyard oyun yüklənməsi reallaşdırıblar. Bu isə 2020-ci ilin birinci rübündəki göstəricidən 10% yüksəkdir.

Android istifadəçiləri oyunlara 9 milyard dollar, iPhone və iPad istifadəçiləri isə 13 milyard dollar xərcləyiblər. Hesabata əsasən dünyanın ən məşhur sosial şəbəkəsi TikTok olub. İstifadəçilər arasında ən məşhur tətbiqlər siyahısında ikinci yeri Facebook, üçüncü yeri isə Whatsapp tutub. Bununla belə ən çox gəlir qazanma üzrə ilk üçlükdə Youtube, TikTok və Tinder qərarlaşıblar. Mobil oyunlar üzrə ən çox yüklənmə sayına sahiblər arasında reytinqin ilk pillələrini Join Clash 3D və Among Us, ən çox gəlir qazanma baxımından isə ROBLOX və Genshin Impact oyunları tutublar.

Milli.Az

Milli.Az - Xəbər Portalı

iOS istifadəçiləri 2 dəfə daha çox pul xərcləyirlər

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?