Maraqlı

“iPhone 13” smartfonunun buraxılış tarixi açıqlanıb

30 Mart 2021 22:30

Baxış: 1 066

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

"iPhone 13" smartfonunun buraxılışı vaxtında baş tutacaq. Bu barədə "Wedbush" agentliyinin hesabatına istinad edən "9to5mac" nəşri məlumat yayıb.

Milli.Az ictnews.az-a istinadən bildirir ki, analitik Daniel Ayvsın sözlərinə görə, "Apple" şirkəti yeni smartfonları, həmişə olduğu kimi, sentyabrda buraxmaq niyyətindədir. Məlumata görə, qurğuların nümayişi sentyabrın üçüncü həftəsində keçiriləcək. Analitik bu qənaətə "iPhone" modelləri üçün təchizat zənciri haqqında hesabatları öyrəndikdən sonra gəlib.

Lakin mütəxəssis smartfonların konstruksiyası üzərində tamamlama işlərinin yubanmaya səbəb ola biləcəyini istisna etməyib. Ən pis senaridə bir sıra "iPhone" versiyaları oktyabrın əvvəlində təqdim ediləcək. "Apple" nümayəndələri ümid edir ki, tədarük tarixi pozulmayacaq və istehlakçılar yeni qurğuları oktyabrda əldə edə biləcəklər.

Agentliyin hesabatında, həmçinin qeyd olunur ki, "Apple" 25 faiz daha çox smartfon istehsal etməyə hazırlaşır. Hazırkı qabaqcıl modellər seriyası təxminən 100 milyon ədəd sayda satışa çıxarılıb. Yeni smartfonların dəqiq adı hələ ki müəyyənləşməyib. Mütəxəssislər tərəfindən onlar şərti olaraq "iPhone 13" adlandırılır.

"Apple" şirkəti 2020-ci ildə yeni smartfonların nümayişini sentyabrdan oktyabra keçirib. Bundan başqa, modellər satışa hissə-hissə çıxarılıb. Bu, koronavirus pandemiyasının səbəb olduğu böhran nəticəsində "iPhone" istehsal edən zavodların fəaliyyətinin müvəqqəti dayandırılması ilə əlaqədardır.

Oktyabrda tanınmış bloger Min-Çi Ko bildirib ki, "Apple" 2021-ci ildə "iPhone 12" smartfonunun buraxılışı ilə bağlı bütün problemləri nəzərə alacaq. Mütəxəssisin proqnozuna görə, yeni qabaqcıl modellər vaxtında işıq üzü görəcək.

Milli.Az

Milli.Az - Xəbər Portalı

“iPhone 13” smartfonunun buraxılış tarixi açıqlanıb

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?