PUL
"Facebook" şirkəti tərəfindən istifadəyə veriləcək "Instagram" sosial şəbəkəsinin "yüngül" versiyası zəif internet bağlantısı vaxtı istifadə üçün nəzərdə tutulub. Şirkətin saytındakı məlumata əsasən, "Instagram Lite" adlandırılmış versiya dünyanın 170-dən çox ölkəsində əlçatan olacaq.
Milli.Az ictnews.az-a istinadən bildirir ki, sözügedən mobil tətbiqi "Android" əməliyyat sisteminin idarəetməsi altında işləyən qurğuya yükləmək üçün 2 MB tələb olunur. Bu, tam versiya (30 MB) ilə müqayisədə xeyli azdır. Buna baxmayaraq şirkət video izləmə və mesajların göndərilməsi daxil olmaqla əsas funksiyaları saxlayıb.
Xatırladaq ki, 2020-ci ildə "Instagram"ın mobil proqramı dünyada ən populyar tətbiqlərdən biri olub. 2018-ci ildə sosial şəbəkənin aktiv istifadəçilərinin sayı 1 milyard nəfəri ötmüşdü.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
