Maraqlı

Yeni “Microsoft Surface Laptop 4”da “Intel” və “AMD” prosessorları olacaq

4 Mart 2021 22:30
Baxış: 291

"Microsoft" şirkəti "Surface Laptop" noutbuklarının yeni nəslini hazırlayır. Qurğunun sınaq nümunəsi populyar "GeekBench" testində iştirak edib.

Milli.Az ictnews.az-a istinadən bildirir ki, noutbukun dördüncü nəsli 13,5 və 15 düym olmaqla iki ölçüdə buraxılacaq. Hər diaqonal "Intel" və ya "AMD" prosessorları ilə təklif olunacaq. "Surface Laptop 4" xarici görünüşünə görə "Surface Laptop 3" noutbukunu xatırladacaq.

Testdə iştirak edən konfiqurasiyalardan biri "Intel Core i5-1135G7" prosessoru, "Intel Iris Xe" qrafik sürətləndiricisi və 8 giqabaytlıq genişlənməyən operativ yaddaş tutumu ilə təchiz edilib. "AMD" prosessorlu versiya "AMD Ryzen 5 3580U" çipini nəzərdə tutur.

Qiyməti açıqlanmayan dördüncü nəsil "Surface Laptop" noutbukunun təqdimatı aprelə planlaşdırılır.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.