Maraqlı

İlon Mask yeni şəhər yaradır

3 Mart 2021 19:44
Baxış: 950
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #ABŞ

Amerikalı sahibkar, "Tesla" və "SpaceX" şirkətlərinin banisi İlon Mask bildirib ki, Texas ştatında yeni şəhər yaradır.

Milli.Az xəbər verir ki, sahibkar bu barədə özünün tvitterdəki səhifəsində yazıb.

"Starbeyz ("Starbase") şəhərini yaradıram, Texas", - Mask tvitterdə yazıb.

Sahibkar qeyd edib ki, onun şəhərinin ərazisi "SpaceX" kosmodromunun yerləşdiyi Boka-Çika kəndinin sahəsindən böyük olacaq. Bundan başqa, Maskın sözlərinə görə, yeni şəhərdə itlərə çox yaxşı münasibət bəsləyəcəklər. Şəhərin rəhbəri "doq" titulunu (italyanca "doge", ingilis "dog" - it) daşıyacaq.

Mask ötən ilin sonunda bildirib ki, Kaliforniyadan Texasa köçüb.

Maraqlıdır ki, dünyanın ən zəngin insanlarından biri olan Mask daha əvvəl Mars planetində məskunlaşmaq üçün bütün əmlakını satmağa qərar verdiyini bildirib. Sahibkar qeyd edib ki, başqa planetdə şəhərin tikintisi əhəmiyyətli yatırımlar tələb edəcək. Bu onu əmlakını satmağa məcbur edən səbəblərdən biridir. Digər səbəb isə söhbət Marsdan getdikdə onun nə qədər qətiyyətli olduğunu nümayiş etdirmək istəyidir. (publika.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.