Maraqlı

Koronavirus bilinən zamandan daha əvvəl yayılıb?

15 Yanvar 2021 20:40
Baxış: 694
VTB-də minimal faiz dərəcəsi ilə nağd kredit 9.9%-dən
#BRAZİLİYA #KORONAVİRUS

Koronavirus Braziliyada 2019-cu ilin noyabrından başlayaraq yayılmış ola bilər.

Milli.Az xəbər verir ki, ölkənin Səhiyyə Nazirliyi apardığı araşdırma nəticəsində bu qənaətə gəlib.

Bildirilib ki, Braziliyanın Espirito Santo əyalətinin sakinlərindən 2019-cu ildə götürülən qan analizi nümunələrində COVID-19 xəstəliyinə xas olan IgG antitelləri aşkarlanıb.

Qan nümunələri Denqe qızdırmasına səbəb olan virus və Çikunqunya virusuna yoluxduğu şübhəsi daşıyan xəstələrə məxsus olub. Onların 7 min 370-dən 210-da IgG antitellərinə rast gəlinib.

Bu nümunələrdən 16-nın 26 fevral 2020-ci ildə Braziliyada rəsmi olaraq təsdiq edilən COVID-19 faktından daha əvvəl - 18 dekabr 2019-cu il tarixində götürüldüyü bildirilib. Halbuki həmin dövrdə Braziliyada koronavirus yayılmağa başlanmamışdı.

Nazirlik bir xəstədə COVID-19 infeksiyasından sonra IgG antitellərinin müəyyən edilə biləcək səviyyəyə çıxmasının 20 günə yaxın zaman tələb etdiyinə, bu səbəbdən yoluxmaların 2019-cu ilin noyabr ayından başladığına diqqət çəkib.

Qeyd edək ki, Braziliyanın Santa Katarina əyalətinin paytaxtı və ölkənin ikinci böyük şəhəri Florianopolisdə 2019-cu ildə toplanan kanalizasiya sularında koronavirusun izlərinə rast gəlinmişdi.

Xatırladaq ki, COVID-19 epidemiyasının Çində 2019-cu ilin dekabr ayının sonunda başlandığı elan edilmiş, 2020-ci ilin mart ayında Ümumdünya Səhiyyə Təşkilatı dünya miqyasında pandemiya yayıldığını açıqlamışdı. (publika.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.