Maraqlı

Ən yaxşı kameraya malik smartfon bəlli olub

8 Dekabr 2020 22:20
Baxış: 897
VTB-də minimal faiz dərəcəsi ilə nağd kredit 10.49%-dən

Videobloqer Markes Braunli "Asus ZenFone 7 Pro" qurğusunu ən yaxşı kameraya malik smartfon adlandırıb. Müvafiq videobloqerin "YouTube" kanalında əlçatandır.
 
Milli.Az ictnews.az-a istinadən bildirir ki, Braunli sınaq çərçivəsində 2020-ci ildə istehsal edilmiş müxtəlif istehsalçıların 16 smartfonunu yoxlayıb. Siyahıda "Apple", "Samsung", "Xiaomi", "Huawei", "OnePlus", "Asus", "LG", "Google", "Sony", "Microsoft", "Oppo" və "Motorola" şirkətinin qurğuları yer alıblar. Bloqer hər bir aparatın kamerası ilə eyni şəkillər çəkib. Bundan sonra Braunli şəkilləri 4,4 milyon abunəçisi olan "Twitter" bloqunda yerləşdirib və istifadəçilərə hər bir fotoya səs verməyi təklif edib.
 
Bloqer qeyd edib ki, səsvermənin birinci raundunun nəticəsinə görə "OnePlus", "Google", "Microsoft", "LG", "Oppo", "Xiaomi" şirkətlərinin qabaqcıl smartfonları, həmçinin "iPhone 12 Pro Max" sınağı tərk edib. Yarımfinalda 4 cihaz ("Huawei Mate 40 Pro", "Asus ZenFone 7 Pro", "Xiaomi Mi 10 Ultra" və "Samsung Galaxy Note20 Ultra") qalıb.
 
Final səsverməsində "Asus" şirkətinin qabaqcıl cihazı qalib gəlib. Sonda bloqer deyib ki, hər bir foto avtomatik rejimdə çəkilib və sonradan redaktə edilməyib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.