Maraqlı

Elon Musk, Marsda peyk interneti yaratmağı planlaşdırır

27 Oktyabr 2020 23:20
Baxış: 480

Elon Musk, Mars planetinin fəth olunması üçün böyük planlar hazırlamaqla məşuldur. Məsələn hal hazırda SpaceX şirkəti planetlərarası uçuş üçün nəzərdə tutulmuş Starship kosmik gəmisinin yaradılması üzərində çalışır. Lakin məlum olub ki, Musk insanları Marsa çatdırmaqla yanaşı həmçinin onları yüksək sürətli peyk interneti ilə də təmin etməyi planlaşdırır. Söhbət, Yer kürəsində yaradılan Starlink peyk internetinin Mars üçün nəzərdə tutulmuş analoqundan gedir. Bu barədə 4pda saytı xəbər verib. Bir neçə müddət bundan öncə Musk bildirmişdi ki, o artıq 2024-cü ildə Starship kosmik gəminsinin Marsa göndərilməsini planlaşdırır. Bu uçuşun pilotlaşdırılan uçuş olub-olmayacağı bilinmir.

Lakin görünür, SpaceX şirkəti daha qəliz bir layihə üzərində çalışır. Belə ki, SpaceX şirkətinin prezidenti Gwynne Shotwell-in sözlərinə əsasən Marsa yollanacaq insanlara yüksək sürətli internet lazım olacaq. Şirkət prezidenti qeyd edib ki, bu məsələdə onlar özlərinin Starlink texnologiyasına müraciət edəcəklər. Shotwell-in fikrincə Mars ərafında internet şəbəkəsinin yaradılması kifayət deyil. Belə ki, Marsda yaradılacaq internet şəbəkəsini Yer kürəsindəki internet şəbəkəsi ilə birləşdirmək lazımdır. Bununla yanaşı Shotwell bildirib ki, Musk hələ 2002-ci ildən Mars ilə Yer arasında nəqliyyat şəbəkəsinin yaradılmasını arzu edir. Görünür, Musk öz arzusuna addım-addım irəliləməkdə davam edir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.