Maraqlı

Yeni dələduzluq üsulu

27 Oktyabr 2020 21:20
Baxış: 1 287
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Facebook-da yeni zərərli linklər ortaya çıxıb. Həmin linklər istifadəçiləri, istifadə etdikləri kompüterlərin zərərli proqram təminatı ilə yoluxduqlarını bildirən saxta saytlara yönləndirirlər. Guya yaranmış problemi aradan qaldırmaq üçün isə həmin saytlarda istifadəçilərdən ödəniş tələb olunur. Facebook-da yayılan bu cür linklər haqqında Malwarebytes şirkəti danışıb. Məlumatda qeyd olunub ki, bu cür saxta saytlara yönləndirilmiş istifadəçilərə guya yaranmış problemi həll etmək üçün dəstək xidmətinə zəng edilməsi təklif olunur.

Zəng edəndən sonra isə özlərini dəstək xidmətinin işçiləri kimi təqdim edən hackerlər zərərli proqram təminatının kompüterdən silinməsi üçün müəyyən miqdarda ödəniş tələb edirlər. Malwarebytes şirkəti 50-yə yaxın bu cür saxta Facebook linki aşkar edib. Onların bir hissəsi Facebook-dakı oyunlar vasitəsilə yayıla bilirlər. Mütəxəssislər həmçinin qeyd ediblər ki, sözügedən linklər daimi olaraq dəyişirlər ki, onlar qara siyahıya düşməsinlər. Qeyd etmək lazımdır ki, Malwarebytes şirkəti bu barədə artıq Facebook-a xəbər verib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.