Opel yenlənmiş Crossland modelini təqdim edib - FOTO

Opel şirkəti yenmilənmiş Crossland krossoverini təqdim edib. Birinci nəsil Peugeot 2008 platformasında qurulmuş model, yeni Mokka ilə eyni üslubda dizayna malik olub. Yenilənmiş krossoverin Avropadakı satışlarına 2021-ci ildə başlanacaqdır.

Yeniləmə ilə bərabər Crossland adındakı X hərfini itirib. Xatırladaq ki, yeni Opel Mokka modeli də X indeksindən məhrum olub. Şirkət tərəfindən vəd edildiyi kimi, yenilənmiş Crossland modelində Vizor üslubu tətbiq edilib. Bu üslub LED fənərlərin və yalançı radiator barmaqlığının (həqiqi barmaqlıq aşağıda yerləşir) xrom haşiyəsi olan vahid panel birləşdirilməsini nəzərdə tutur. Avtomobilin arxa hissəsində   qanad formalı tərtibatı olan yeni tündləşdirilmiş fənərlər və parlaq qara rəngli bölməyə malik olan baqaj  qapağı (qara damla birlikdə mövcuddur) peyda olub.

Yenilənmiş Crossland modeli ikirəngli kuzova (damı parlaq qara rəngə boyanır) və idman üslubunda interyer tərtibatına malik olan GS Line + versiyasında da təklif edilir.

İnteryerdəki yeniliklər keyfiyyəti yaxşılaşdırılmış tərtibat materiallarından və yenidən işlənmiş qrafikası olan multimedia sistemindən ibarətdir. Multimedia sisteminin ekranının maksimal ölçüsü səkkiz düymdür. Baqajın bölümünün həcmi arxa divanın yerindən asılı olaraq (150 millimetr aralığında hərəkət edir) 410 ilə 520 litrə qədər dəyişir. Oturacaqların qatlanması halda bu rəqəm 1255 litrə qədər arta bilər.

Mövcud avadanlıqların siyahısına proyeksiya ekranı, avtomatik təcili əyləclənmə sistemi və piyadanı aşkar edərək öndən toqquşmaların qarşısını alan sistem, sürücünün yorğunluq səviyyəsinə nəzarət, panoramik arxa kamera və avtomatik parkinq köməkçisi daxildir.

Texniki yeniliklər arasında yeni yaylar və amortizatorlar, habelə dəyişdirilmiş sükan idarəetməsi var. Bundan əlavə, dartmaya nəzarət elektronikasının alqoritmini dəyişdirən IntelliGrip sistemi də modelin təchizatına daxil edilib. Ümumilikdə beş hərəkət rejimi mövcuddur: əsas Normal/On Road, Snow, Mud, Sand və ESP Off.  Birinci rejim ESP və dartmaya nəzarət sistemi şəhərdə, kənd yollarında və magistral yollarda normal şəraitdə hərəkəti, ikinci rejim isə 50 km/saata qədər sürətdə qar və buz üzərində optimal tutuşu təmin edir. Üçüncü rejim təkərlərin daha intensiv sürüşməsinə imkan verir,  dördüncü rejim hər iki aparıcı təkərlərinin eyni vaxtda xırda sürüşməsini təmin edir və nəhayət, beşinci rejim stabilizasiya və dartmaya nəzarət sistemlərini 50 km/saata qədər sürətlərdə tamamilə söndürür.

Yenilənmiş Opel Crossland modelinin mühərrik çeşidi dəyişməyib. Krossover əvvəlki kimi, 83 at qüvvəli 1,2-litrlik üçsilindrli atmosfer benzin mühərriki ilə təklif edilir. Eyni həcmli turbomühərrik də iki güc variantında mövcuddur - 110 və 130 at qüvvəsi. Alternativ olaraq, 110 və 120 at qüvvəsi hasil edən 1,5-litrlik turbodizel təklif olunur. Transmissiya çeşidinə beş və ya altı pilləli mexaniki ötürmələr qutusu və  altı pilləli "avtomat" daxildir. Ötürmə yalnız ön oxadır.

Yenilənmiş Opel Crossland modelinin satışlarına 2021-ci ilin əvvəlində başlanmalıdır. Çox güman ki, Crossland modeli Azərbaycan bazarında da təklif ediləcəkdir.

Milli.Az