Maraqlı

“Facebook” tələbələr üçün “Campus” sosial şəbəkəsini istifadəyə verib

17 Sentyabr 2020 08:46
Baxış: 568
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

2004-cü ildə Harvard Universitetində Mark Zukerberq və onun otaq yoldaşları tərəfindən yaradılmış "Facebook" sosial şəbəkəsi çoxdan qlobal şəbəkəyə çevrilib, amma indi şirkət müəyyən mənada köhnə vaxta qayıtmağa qərar verib. Bu məqsədlə "Facebook" tələbələr üçün əsas sosial şəbəkənin daxilində əlavə sosial şəbəkə istifadəyə verib. "Campus" adlı layihə haqqında şirkətin bloqunda məlumat verilib.

Milli.Az ictnews.az-a istinadən bildirir ki, şirkətin rəsmisi "Campus" layihəsinin yaradılmasını koronavirus pandemiyası ilə izah edib. Pandemiya səbəbindən təhsil müəssisələri qismən və ya tam distant təhsil rejiminə keçməli olublar.

İndi "Campus" sosial şəbəkəsinin istifadəçilərinə çat, tədbir və qrupları yaratmaq imkanı əlçatandır. Həmçinin onlar öz universitetlərinin xəbər lentinə də baxa bilərlər. Hazırda ABŞ-ın təxminən 30 təhsil müəssisəsi sözügedən layihəyə qoşulub.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.