Maraqlı

Carlex Design atelyesi LR Defender modelini "yaxtaya" çevirib - FOTO

12 Sentyabr 2020 19:30
Baxış: 1 237

Polşada fəaliyyət göstərən Carlex Design atelyesi bir neçə dəfə müştərilərini leytmotivi dəniz gəzintiləri olan layihələrlə maraqlandırıb. Studiyanın portfelində Mercedes-Benz X-Class Yachting Edition və bənzər Mercedes-AMG G 63 modelləri mövcuddur, lakin tezliklə bu modellərə dəbdəbəli yaxtaların üslubunda hazırlanmış Land Rover Defender modeli qoşulacaqdır.

Carlex atelyesinə baş çəkmiş Defender modelini gümüşü rəngə boyanmış və əllə cilalanmış kuzovu, 235/40 R18 ölçülü şinlər ilə təchiz edilmiş yeni təkər diskləri, qara dekoru və kapotu, həmçinin ehtiyat təkərinin qapağına çəkilmiş kompas şəkli sayəsində tanımaq olar. Ancaq bu halda görünüş ikinci dərəcəli bir şeydir. Əsas tamamilə dəyişdiriləcək və ağac ilə işlənəcək salondur.

Milli.Az autograph.az-a istinadən bildirir ki, alıcılara salonun iki tərtibat variantı təklif ediləcəkdir: ağ dəri və ağac işləmələr və ya tünd qəhvəyi rəngli dəri və ya cilalanmış alüminium dekor ilə. Hər iki halda tavan və dirəklər alkantara ilə üzlənəcək, baqaj bölməsi və ikinci cərgənin oturacaqlarının arxa hissəsi isə, dəbdəbəli yaxtanın göyərtəsi kimi ağac lövhələr ilə örtüləcəkdir. Dərc edilmiş şəkillərdən göründüyü kimi, Defender yeni oturacaqlar və qismən ağac ilə işlənmiş sükan çarxı ilə təchiz ediləcəkdir.

Texniki hissə isə, seçilmiş donor avtomobildən asılı olacaqdır. Land Rover Defender modelinin ikinci nəsli Defender modelinin mühərrik çeşidinə Ingenium ailəsindən olan mühərriklər daxil edilib. Bunlar 2,0-litrlik dördsilindrli turbodizel ilə təchiz edilmiş D200 və D240 (indeks gücü göstərir) modelləri, 2,0-litrlik benzin "turbodördlüyü" ilə təchiz edilmiş P300, və top-variant olan 3,0-litrlik altısilindrli mühərriklə təchiz olunan P400 modifikasiyası vardır. Sonuncu aqreqat 48 voltluq startyor-generatorla təchiz olunur və onun hasilatı  400 at qüvvəsi və 550 Nm təşkil edir.

Defender P400 modeli 100 km/saat həddinə 6,4 saniyəyə sürətlənir. Bütün versiyalar 8-pilləli ZF "avtomatı" ilə təchiz edilirlər. Bu il modelin qoşulan hibrid (PHEV) variantı da təqdim edilməlidir.

Milli.Az

Məqaləyə dair fotomateriallar:

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.