Koronavirus infeksiyasının qarşısını almaq üçün qoyulan qadağalara əhəmiyyət vermədən küçəyə çıxan yaşlıları təhqir edən Kerimcan Durmaz məhkəməlik olub.
Milli.Az Axşam.az-a istinadən xəbər verir ki, vəkil Serdar Öktem onunla bağlı məhkəməyə müraciət edib. O bildirib ki, Durmaz yaşlılara "Ölün" deyərək onları təhqir edib.
Durmaz avtomobil sürərkən qarşısına çıxan yaşlılara "Bu insanlar niyə küçədədir? 65 yaşdan yuxarı minlərlə insan küçədə gəzir, onlar işləmir də. Biri bunlara çarə tapsın. Xahiş edirəm, artıq evinizə gedin. Əsəblərim pozulub. Biz yola gələn deyilik. Artıq evə gedin demirəm, çıxın küçələrə, ölün. Biz gənclər həyata davam edək, bunu istəyirsiniz?" sözlərini deyərək, video çəkib yayımlayıb.
Kerimcanla bağlı Twitter-də "Bu dəfə həbsxanaya salınmalıdır. Məhkəmədən aldığın cəza səni yola gətirməyib. Alla səni bildiyi kimi etsin" şərhləri yazılıb.
Durmaz daha sonta İnstaqramın hekayə bölümündə "Yaşlılara ölün demədim. Yaşlılara bir şey olmasın. Küçəyə kef üçün çıxanlara "ölün" dedim" sözlərini deyən video yayımlayıb.
Milli.Az