Maraqlı

Misir mumiyalarının qızıl maskaları ABŞ-da nümayiş etdirilir

19 Fevral 2020 02:30

0 Şərh Baxış: 1 641

#DÜNYADA #ABŞ #MİSİR

Yunan-Roma dövrünə aid (eramızdan əvvəl 300-200-cü illər) Qədim Misir mumiyaları və qızıl maskalardan ibarət sərgi Birləşmiş Ştatların Buffalo Elm Muzeyində açılıb. Milli.Az AZƏRTAC-a istinadən bildirir ki, "Misirin qızıl mumiyaları" adlı sərgi iyunun 21-dək davam edəcək.

Qeyd olunub ki, sərginin rəsmi saytında mumiyalar, tabutlar, qəzəl maskalar və zinət əşyalarından ibarət 100 artifaktın sərgiləndiyi bildirilir. Eksponatlara, xüsusən qızıl maskalara ecazkar rəng əlavə etmək üçün xüsusi işıqlandırma sistemi də quraşdırılıb.

Buffalo Elm Muzeyinin xarici əlaqələr üzrə direktoru Emi Biber Kollson bildirib ki, bütöv bir sivilizasiyanın yadigarı olan bu unikal eksponatlar böyük marağa səbəb olub. Qədim misirlilərin ölüm və ondan sonrakı həyat haqqında təsəvvürləri alimlər üçün xüsusilə mühümdür. Məhz bu səbəbdən Buffalo Universiteti sərgi ilə bağlı xüsusi fəallıq nümayiş etdirir.

"Misirin qızıl mumiyaları" adlı sərgi bundan əvvəl Mançester Muzeyində təşkil edilib.

Milli.Az