Maraqlı

Mələklər günah edə bilərmi?

16 Fevral 2020 22:10
3 Şərh     Baxış: 1 213

Fitrəs mələk haqqında bəzi hədislər bizə məlumat vermişdir. Həmçinin Şəban ayının üçüncü gününün duasında oxuyuruq: "Fitrəs mələk onun beşiyinə pənah apardı".

Bəzi alimlərin nəzərinə görə, mələklərin bir hissəsi mücərrəddir, bir hissəsi isə qeyri-mücərrəd.

Adətən mücərrəd olan mələklər kamala çatmış olur. Ancaq bu mələk xata işlətdiyi üçün görünür ki, mücərrəd olmamışdır. Ona görə də İmam Hüseynə (ə) təvəssül edərək, kamala çatmağa çalışmışdır.

Belə bir hadisəni Həzrət Adəmin (ə) xilqətində də görmək olur. Bəzi mələklər onun xəlq olmasına qarşı çıxırlar. Ancaq onun elmini görəndən sonra, təslim olurlar.

Mələklər günah işlətməzlər. Ola bilsin ki, bu mələk tərki-ulə etmişdir. Ona verilən vəzifəni yavaş yerinə yetirmiş və bir qədər səhlənkarlıq etmişdir. Ancaq bu, günah hökmündə getmir.

Hədislərimiz bu mələk haqqında məlumat verən zaman, fərqli nəzərlər vermişdilər. Hədislərin nəzərinə görə, bu mələk ərşin ətrafında dövr vuran mələk idi. Allahın ona verdiyi vəzifədə səhlənkarlıq edir. Ona görə də Allah onu cəzalandırır və qanadlarını zədələyir. Onu uzaq bir diyara sürgün edir.

O zaman ki, İmam Hüseyn (ə) dünyaya gəlir, Cəbrayil (ə) Həzrət Peyğəmbəri (s) təbrik etmək üçün yerə enir. Yolda Fitrəs mələyi görür. Cəbrayil (ə) ona təklif edir ki, Həzrət Peyğəmbəri (s) təbrik etmək üçün bir yerdə getsinlər və o da razı olur.

Həzrəti (s) təbrik etdikdən sonra Fitrəs mələk qanadlarının qalmış hissəsini İmamın (ə) beşiyinə sürtür və qanadları yenidən düzəlir.

İlahi peyğəmbərlərin (ə) bəzisi də tərki-ulə etmişdilər. Yəni, vəzifələrində bir az səhlənkarlıq etmişdilər. Ona görə də Allah onları cəzalandırmışdır. Bu mələyin etdiyi əməl də məhz tərki-ulə olmuşdur.

Ona görə də Allah  Təala onu İmama (ə) təvəssül etdiyi üçün bağışlayır və əvvəlki məqamına geri qaytarır.

Milli.Az

loading...

Şərh yaz:

3 Şərh:

  • Anonim
    Vuqar · 17 Fevral 16:0511

    Melikmemmed Naqili

    Cavab yaz
  • Anonim
    Vuqar · 17 Fevral 16:0511

    Melikme9

    Cavab yaz
  • Anonim
    Elman · 20 Fevral 18:2200

    Yazı "Biri vardı, biri yoxdu" ifadəsi ilə başlamalı idi

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.