Maraqlı

Qiyamətin şahidləri necə şəhadət verəcək?

20 Avqust 2019 20:55
0 Şərh     Baxış: 910
VTB-də minimal faiz dərəcəsi ilə nağd kredit 9.9%-dən
#DİN

Görəsən, Qiyamətin şahidləri necə şəhadət verəcəkdir? Quran bizə bu sualla bağlı dəqiq məlumat vermir, ancaq məlum olan budur ki, Allah, peyğəmbərlər (ə) və İmamlar (ə) insanların əməllərindən kamil surətdə agah olacaqlar.

Milli.Az deyerler.org-a istinadən bildirir ki, Quran bədən üzvlərinin şəhadəti barəsində buyurur: "Onlar öz (bədənlərinin günahda birbaşa iştirak etmiş) dərilərinə deyərlər: "Nə üçün bizim əleyhimizə şəhadət verdiniz?". (Dəriləri) deyərlər: "Bizi hər şeyi (bütün danışanları) dilə gətirən Allah danışdırdı. Sizin hamınızı ilk dəfə O, yaradıb və indi (də) Ona tərəf qaytarılırsınız"". ("Fussilət" 21).

Bədən üzvlərinin necə dilə gəlməyi ilə bağlı bir neçə nəzər vardır ki, onlara nəzər salaq.

1. Allah Təala Qiyamət günü hər bir bədən üzvünə dərk, şüur və danışmaq qabiliyyətini verəcəkdir. O kəs ki, dili danışdıra bilir, qalan bədən üzvlərini də danışdıra bilər.

2. Onlara dərk və şüur verilməz, ancaq Allah onları danışmağa vadar edər.

3. Hər bir bədən üzvü sahibinin etdiyi əməlləri özündə saxlayar. (Tebyan)

Çünki aləmdə heç bir əməl aradan getməz. Əsəri hər bir bədən üzvünün üzərində qalar. Həmin gün aşkar olmaq günü olduğu üçün, bu əsərlər insanın dərisində, əl və ayaqlarında zahir olar. Onların zahir olması şəhadət verməsi deməkdir.

Yerin, göyün necə şəhadət verəcəyi ilə bağlı isə məlumat yoxdur. Onlar dünyada insanla birlikdə olduqları üçün, Allah hər bir şeyi dilə gətirməyə qadir olduğu kimi, onları da dilə gətirəcəkdir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.