Maraqlı

Ölü qadın uşağın dünyaya gəlməsinə kömək etdi

12 İyul 2019 11:37

0 Şərh Baxış: 3 319

#DÜNYADA #ABŞ

ABŞ-ın Ohayo ştatında ölən qadının uşaqlığının transplantasiyası edilən ana ilk dəfə olaraq uşaq dünyaya gətirib.

Milli.Az ölkə.az-a istinadən bildirir ki, bu barədə "NBC News" məlumat yayıb.

Alimlər ölən qadının uşaqlığından təcrübə zamanı istifadə ediblər. Təcrübədə 10 nəfər könüllü iştirak edib. Onların hər biri sonsuzluqdan əziyyət çəkirdi. Alimlər ölmüş insanın uşaqlıq donoru ola biləcəyini dəqiqləşdiriblər.

2015-ci ildən başlayan layihə zamanı cərrahlar 5 transplantasiya həyata keçiriblər. Onlardan üçü uğurlu alınıb. Bu ilin iyun ayında isə belə əməliyyat olunan qadınlardan biri uşaq dünyaya gətirib.

Adətən uşaqlıq donoru sağ insanlar olur. Amma bu dəfə ölən qadının uşaqlığı nəql edilib. Alimlərin fikrinə görə, yeni tədqiqat sonsuzluq probleminin həllinə kömək edəcək.

Milli.Az