Maraqlı

Dünyada ilk dəfə çap evlər tikiləcək

18 May 2019 08:05
0 Şərh     Baxış: 1 651
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Latın Amerikasında dünyada "3D" çap texnologiyası üzrə ilk qəsəbənin inşasına dair layihə hazırlanır. Sözügedən layihə aztəminatlı ailələrin evlə təmin edilməsi proqramı çərçivəsində yaradılır.

"ICTnews" Elektron Xəbər Xidməti "techcult.ru" saytına istinadən yazır ki, "New Story" qeyri-kommersiya təşkilatı, "Yves Béhar Fuseproject" dizayner firması və "Icon" tikinti şirkəti layihənin müəllifləridir. Ötən il Texasda keçirilmiş "SXSW" festivalında komanda sahəsi 32 kv/metr olan çap edilmiş evin konseptual modelini təqdim edib. Ev "Vulcan 3D" printerinin köməyi ilə 48 saat ərzində hazırlanıb və qiyməti 10000 dollar təşkil edib.

Sözügedən printerin yenilənmiş variantı olan "Vulcan II"-nin məhsuldarlığı iki dəfə yüksək olacaq. Printer yığcamdır, praktik olaraq tullantı istehsal etmir və elektrik enerjisi, su və lazımi infrastruktur çatışmazlığı olduqda işləmək qabiliyyətini saxlayır ki, bu da ucqar kənd regionlarında evlərin inşası üçün vacibdir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.