Maraqlı

Dünyanın ən çox kitab oxunan ölkələri

24 Aprel 2019 23:38
0 Şərh     Baxış: 1 749
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #HİNDİSTAN

Dünyada ən çox kitab oxunan 10 ölkə arasında Asiyanın 6, Avropanın isə 4 ölkəsi yer alıb.

Milli.Az AZƏRTAC-a istinadən bildirir ki, vətəndaşları orta hesabla həftədə 10 saat 42 dəqiqə kitab oxuyan Hindistan siyahıya başçılıq edir. Dünyada ən çox kitab oxunan ölkələr reytinqində Hindistanın ardınca Tailand (9 saat 24 dəqiqə) və Çin (8 saat) gəlir.

Siyahıda növbəti yerləri Filippin (7 saat 36 dəqiqə), Misir (7 saat 30 dəqiqə), Çexiya (7 saat 24 dəqiqə), İsveç (7 saat 6

dəqiqə), Fransa (6 saat 54 dəqiqə), Macarıstan (6 saat 48 dəqiqə) və Səudiyyə Ərəbistanı (6 saat 48 dəqiqə) tutur.

Kitab oxuma reytinqində vətəndaşların həftə ərzində mütaliəyə ayırdığı orta vaxt əsas götürülür. İndeksin müəyyən olunması üçün, həmçinin qəzet, jurnal kimi nəşrlərin oxunmasına da bal verilir.

Dünyada ən çox oxunan kitabların reytinqində isə birinci yeri "Qurani-Kərim" tutur. Sonrakı yerlərdə İncil və Mao Zedunun bəyanatlarının çap olunduğu "Maonun seçilmiş sözləri" adlı kitabı gəlir. Siyahıda ilk beşlikdə Migel de Servantesin "Don Kixot" romanı və Coan Roulinqin "Harri Potter" romanlar seriyası yer alır.

Çarlz Dikkensin "İki şəhərin hekayəsi", Con Ronald Ruelin "Üzüklərin hökmdarı" trilogiyası, Antuan Sent-Ekzüperinin "Kiçik şahzadə", Lüis Kerrolun "Alisa möcüzələr diyarında" və Aqata Kristinin "10 zənci balası" əsərləri də dünyada ən çox oxunan kitablar arasındadır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.