Maraqlı

Snapdragon 865 hazırlanır

16 Aprel 2019 08:21
0 Şərh     Baxış: 842
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Qualcomm şirkəti hələ keçən ilin dekabr ayında Snapdragon 855 flaqman prosessor modelini təqdim etmişdi. Lakin buna baxmayaraq şirkət artıq yeni flaqman prosessor üzərində çalışır. Bu barədə Winfuture saytına istinadən Gagadget saytı xəbər verib. Beləliklə şirkətin yeni prosessoru barəsində ilk məlumatlar ortaya çıxıb. Məlumata əsasən yeni prosessor SM8250 model nömrəsi ilə ilkin test mərhələsindən keçir.

Milli.Az technote.az-a istinadən bildirir ki, layihənin kod adı isə Project Kona-dır. Maraqlısı ondadır ki, Kona Havay adaları qrupunda yerləşən adalardan birinin adıdır. Şirkətin öz yeni flaqman prosessor modellərini təqdim etdiyi Qualcomm Tech Summit tədbiri isə məhz həmin regionda təşkil olunur. Verilmiş məlumatlara inansaq, Snapdragon 865 prosessoru LPDDR5 formatlı RAM yaddaşı dəstəyini əldə edəcək.

Bundan əlavə olaraq məlumatlarda qeyd olunub ki, şirkət həmçinin SDX55 5G adlı yeni modem üzərində də çalışır. Həmin modemin ayrıca təqdim olunacağı və ya birbaşa Snapdragon 865 prosessoruna inteqrasiya ediləcəyi barəsində heç bir məlumat yoxdur. Gözləntilərə əsasən Snapdragon 865 prosessoru bu ilin sonunda təqdim olunacaq. Onu da qeyd etmək lazımdır ki, şirkət dünən öz orta səviyyəli prosessor seriyasının yeni modellərini təqdim etmişdi.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.