Maraqlı

Ledi Qaqa 30 milyon dollarlıq brilyantı seçdi - FOTO

25 Fevral 2019 13:23

0 Şərh Baxış: 2 845

VTB-də minimal faiz dərəcəsi ilə nağd kredit 9.9%-dən

#OSCAR MÜKAFATI

Dünyanın ən ekstravaqant müğənnilərindən olan amerikalı Ledi Qaqa ABŞ-ın Los-Anceles şəhərində keçirilmiş 91-ci "Oskar" mükafatlarının təqdimat mərasimində furor yaradıb.

Milli.Az TMZ-yə istinadən bildirir ki, 32 yaşlı müğənni mərasimə 30 milyon dollarlıq brilyant qaşlı boyunbağı taxaraq yollanıb.

128,54 karatlıq bu sarı brilyant 19-cu əsrdə tapılıb. Onun boyunbağısını isə "Tiffany & Co" brendinin banisi Çarlz tiffani hazırlamışdı.

Brilyantın əsas qaş olduğu boyunbağını 1961-ci ildə Jan-Mişel Şlyumberje hazırlamışdı. Həmin boyunbağını əfsanəvi aktrisa Odri Höpbörn "Breakfast At Tiffany" filminin çəkilişlərində taxmışdı.

1995-ci ildə isə 128,54 karatlıq unikal "Tiffany Diamond" məşhur zərgər Jan-Mişel Şlyumberjenin digər əsərinin bir hissəsi oldu, "Daş üzərindəki quş"a (Bird On a Rock) çevrildi.

2012-ci ildə "Tiffany & Co" 175 illiyini qeyd edəndə brend yeni boyunbağını təqdim etdi.

Həmin kolyeni də Ledi Qaqa boynuna bağlayaraq "Oskar"a yollanıb.

Adi günlərdə boyunbağı "Tiffany & Co"nun Nyu-Yorkdakı 5-ci Avenyuda yerləşən flaqman butikində nümayiş olunur.

Milli.Az