Maraqlı

Google Pay-də pulköçürmə funksiyası işə salındı

14 İyul 2018 08:41
0 Şərh     Baxış: 627

"Google Pay" şirkəti "Google Pay" ödəniş servisini yeniləyərək onun imkanlarını genişləndirib.  

Milli.Az ICTnews-a istinadən bildirir ki, "Google Pay" və "Google Pay Send" əlavələrinin funksionallığı birləşdirilib. İndi servis istifadəçiləri arasında pul göndərmək və tələb etmək mümkündür. Lakin funksiyadan hazırda yalnız ABŞ istifadəçiləri yararlana bilər. Bundan başqa, hesabı bir neçə nəfər arasında bölmək olar - 5 nəfərədək iştirakçı dəstəklənir.

Digər yeniliklər arasında enmə talonları, konsert biletləri, loyallıq kartları, hədiyyə kartlarının və s. saxlanılması qeyd olunur.

Ödənişlər haqqında informasiyanı həm əlavə, həm də internet interfeysi vasitəsilə idarə etmək mümkündür. Bütün informasiya "Google Account" vasitəsilə sinxronlaşdırılır.

Xatırladaq ki, 2018-ci ilin əvvəlində istifadəyə verilən "Google Pay" servisi "Android Pay" və "Google Wallet" ödəniş servislərini vahid brend altında özündə birləşdirir. 

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.