Maraqlı

Şumaxerin bir villası da satıldı - FOTO

27 Fevral 2015 10:53

0 Şərh Baxış: 2 310

#FOTOREPORTAJLAR #FOTOSESSİYA #MARAQLI

Beynəlxalq "Formula-1" avtoçempionatının canlı əfsanəsi, yeddiqat dünya çempionu Mixael Şumaxerin xanımı Korinna ailənin daha bir malikanəsini satıb.

Norveçin Tryusil kurortundakı malikanənin satışınlan əldə olunmuş 3 milyon dollar hazırda koma vəziyyətində olan 46 yaşlı M.Şumaxerin müalicəsinə sərf olunacaq. Tryusil Norveçin paytaxtı Oslodan şimalda yerləşən kurort şəhəridir.

Milli.Az Abcnyheter.no-ya istinadən bildirir ki, 645 kvadrat metrlik malikanəni alanın adı açıqlanmır.

Korinna Şumaxer ərinin 2000-ci ildə 3-cü çempion titulunu qazandığı Ferrari F-2000 bolidini, habelə Falcon 2000EX özəl reaktiv təyyarəsini də satışa çıxarıb.

Şumaxerin müalicəsinə artıq 15,3 milyon dollar xərclənib.

Mixael Şumaxer 2013-cü ilin dekabrında Fransız Alplarında xizəklə sürüşərkən yıxılmış, başı qayaya dəymişdi.

6 aydan artıq koma vəziyyətində olan əfsanəvi pilot bir neçə ciddi cərrahiyyə əməliyyatına məruz qalıb.

O, Cenevrə gölünün sahilindəki villasında müalicə olunur.

Milli.Az

Böyütmək üçün şəkillərə klikləyin.