Maraqlı

Rəsulzadənin öz əli ilə əkdiyi qarağac - FOTO

23 Mart 2026 15:47

Baxış: 1 353

VTB-də minimal faiz dərəcəsi ilə nağd kredit 9.9%-dən

#CƏMİYYƏT #BAKI MARAFONU - 2016 #AĞAC

Tədqiqatçı-jurnalist Nəcibə Bağırzadə Azərbaycan Xalq Cümhuriyyətinin banisi Məhəmməd Əmin Rəsulzadə ilə bağlı diqqətçəkən paylaşım edib.

Milli.Az xəbər verir ki, araşdırmaçı Rəsulzadənin Bakı kəndlərindən olan Ramana kəndi ərazisində öz əli ilə əkdiyi qocaman qarağac ağacının fotosunu ictimaiyyətlə bölüşüb.

Nəcibə Bağırzadə bildirib ki, sözügedən ağacın yaşı 100 ildən çoxdur. Onun sözlərinə görə, bu ağacla bağlı araşdırmasını illər əvvəl "Mənim qarağacım" adlı məqaləsində dərc etdirib.

Araşdırmaçı qeyd edib ki, Məhəmməd Əmin Rəsulzadənin Ramana kəndi və burada yaşayan müsavatçılarla sıx əlaqələri olub. Bildirildiyinə görə, qarağac ağacı Rəsulzadə tərəfindən dostu Muradın həyətində əkilib. Murad isə sonradan oğluna dostunun - Məhəmməd Əmin bəyin adını verib. Həmin adaşın məzarı hazırda Ramana qəbiristanlığında yerləşir.

"Ramanaya hər gedəndə mütləq o qarağacı da salamlayıram. Məhəmməd Əmin Rəsulzadənin ideyaları, əsərləri, keçdiyi yol kimi, bütün yadigarları dəyərlidir. Sonsuz sevgi və minnətdarlıqla yad edirəm", - deyə Nəcibə Bağırzadə paylaşımında vurğulayıb.

Qeyd edək ki, Rəsulzadənin həyat və fəaliyyəti ilə bağlı bu kimi tarixi izlər milli yaddaşın qorunması baxımından xüsusi əhəmiyyət kəsb edir. // Musavat.com

Milli.Az