Kimyəvi təmizləmə ustalarının sirri açıldı: Paltaryuyana tenis topu qoyurlar

Kimyəvi təmizləmə sektorunda illərdir tətbiq olunan, lakin ev istifadəçilərinin yeni-yeni fərqinə vardığı kiçik bir detalın texniki səbəbləri bəlli olub. Sənaye tipli maşınlarda tenis topundan istifadə təsadüfi bir vərdiş deyil; bunun arxasında tamamilə fiziki və texniki səbəblər dayanır.

Milli.Az bildirir ki, kimyəvi təmizləmə maşınları evdəki maşınlardan daha böyük baraban həcminə malikdir. Bu maşınlarda xüsusilə gödəkçələr, paltolar, yorğanlar və içliyi olan məhsullar yuyularkən ən böyük risk içliyin bir yerə yığılması və yapışmasıdır. Tenis topları məhz burada işə düşür.

Baraban fırlandıqca tenis topları parçaların arasına girərək:

• İçlikli məhsulların daxilini mexaniki olaraq açır;
• Lələk və ya liflərin bir nöqtəyə toplanmasına mane olur;
• Suyun və təmizləyici məhlulun parçaya bərabər paylanmasını təmin edir;
• Yuma və sıxma zamanı parçanın formasını qoruyur.

Kimyəvi təmizləmə müəssisələri üçün ən böyük problem müştəriyə təslim edilən məhsulun həcmini itirməsidir. Tenis topu sayəsində:

• Şişmə gödəkçələr sönük çıxmır;
• Yorğan və yastıqlar qabarıqlığını qoruyur;
• Ütüləmə və son hazırlıq prosesi qısalır.

Ev tipli maşınlarda da fizika qanunları eynidir. Tenis topları çamaşırların bir-birinə yapışmasına mane olaraq yuyucu vasitənin liflərə daha yaxşı nüfuz etməsini təmin edir. Nəticədə daha yumşaq və həcmli geyimlər əldə olunur.

Kimyəvi təmizləmə ustaları tenis topunu hər parçada istifadə etmirlər: Xüsusilə ipək və kəşmir kimi incə və zərif parçalarda.

Toxunma parçalar üçün mexaniki təması aşağı olan xüsusi proqramlar seçilir.

Niyə məhz tenis topu?
 

• Kifayət qədər yüngüldür;
• Barabana (barabanın daxili hissəsinə) zərər vermir;
• Elastik quruluşu sayəsində parçanı köhnəltmir;
• Sərt, lakin kəsici olmayan səthə malikdir.

Bu sadə üsul, bahalı kimyəvi maddələrə və ya əlavə proqramlara ehtiyac duymadan yuma səmərəliliyini artıran ən təsirli vasitələrdən biri kimi önə çıxır.

Lalə Qüdrətova
Milli.Az