Maraqlı

“Simpsonlar” 20 ildən sonra geri qayıdır

30 Sentyabr 2025 12:39
Baxış: 2 706
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #SERİALLAR #FİLM

Uzun illərdir televiziya tarixinin ən məşhur animasiya seriallarından biri olan "The Simpsons" filminin davamı gəlir.

Milli.Az xəbər verir ki, ilk filmin nümayişindən düz 20 il sonra çəkilən ikinci film 23 iyul 2027-ci ildə tamaşaçılara təqdim olunacaq.

Davam filmi barədə xəbəri "20th Century Studios" təsdiqləyib. Filmin ilk posteri isə "Homer saniyələrə qayıdır" şüarı ilə sosial şəbəkələrdə paylaşılıb.

Qeyd edək ki, "The Simpsons" 1989-cu ildən yayımlanıb və bu günə qədər 800-dən çox seriyası işıq üzü görüb. Serial 40-cı mövsümə qədər uzadılıb və dünyanın ən uzunömürlü animasiya layihəsi hesab olunur.

2007-ci ildə yayımlanan ilk film 500 milyon dollardan çox qlobal gəlir əldə etmişdi. Hekayə Homerin Springfildin su təchizatını təsadüfən çirkləndirməsi və şəhərin nəhəng günbəzin içində qalması ilə bağlı idi. Filmin sonunda körpə Meggi "Davamı?" sözünü demişdi ki, bu da tamaşaçılarda ikinci filmin anonsu kimi qarşılanmışdı.

Filmin süjeti hələlik açıqlanmayıb. Lakin animasiya sənayesində "Inside Out 2" kimi uğurların qazanılmasından sonra Disney və prodüserlər yeni "Simpsons" filminin böyük maraqla qarşılanacağına inanırlar.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.