Pul maqneti - Pul cəlb edən pulqabını necə seçməli?

Pulqabı almaq, göründüyü qədər sadə bir iş deyil. Bu alışın vaxtı və üsulu yalnız rahatlığınıza deyil, həm də maliyyə axınınıza təsir edə bilər.

Milli.Az xəbər verir ki, mütəxəssislərin tövsiyə etdiyi müəyyən qaydaları izləyərək rifahınızı artıra bilərsiniz.

Pulqabı almaq üçün ən uğurlu vaxt

Mütəxəssislər ildə bir dəfə pulqabını yeniləməyi tövsiyə edir. Çünki köhnə əşyalar zamanla neqativ enerji toplayır və bu da maliyyə axınının zəifləməsinə səbəb olur. Yeni pulqabı isə enerjini təzələyir və gəlirlərə yol açır.

Artan Ay fəzasında almaq vacibdir

Pulqabını yalnız ayın artan fazasında almaq tövsiyə olunur. Bu dövrdə hər şey böyüyür və çoxalır, bu isə maddi uğuru gücləndirir. Əksinə, azalan ay zamanı alınan pulqabı maddi itkilərə səbəb ola bilər.

Xüsusi günlərdə alış-veriş edin

Yeni il ərəfəsi və ya doğum gününüzdən bir neçə gün əvvəl və ya sonra pulqabı almaq üçün ən uyğun vaxtdır. Bu zaman enerji dövrləri yenilənir və alınan pulqabı il boyu bolluq gətirə bilər.

Cümə axşamı gününü seçin

Pulqabı almaq üçün ən uğurlu gün Cümə axşamıdır. Bu gün bolluq, uğur və sərvətin simvolu olan Yupiter planetinin təsiri altındadır. Əgər Cümə axşamı həm də artan aya təsadüf edərsə, uğur şansı daha da artır.

Necə almalısınız?

Pulqabını sevinc hissi ilə və xəsislik etmədən almaq lazımdır. Əgər alışdan sonra qalığın verilməsi qaçılmazdırsa, sakitcə belə deyin: "Bir qəpik də itirməyəcəyəm, daha çox qazanacağam". Bu, mümkün olan enerji itkisini neytrallaşdırır.

Alışdan sonra nə etmək lazımdır?

Yeni pulqabını aldıqdan sonra dərhal istifadə etməyin. Evə gətirin, sakit bir yerdə saxlayın və sizin enerjinizə uyğunlaşmasına imkan verin. Bu, onun sizə maliyyə baxımından daha təsirli şəkildə xidmət etməsinə kömək edəcək.

Köhnə pulqabı ilə necə vidalaşmalı?

Köhnə pulqabı azalan ay fazasında torpağa basdırmaq və ya yandırmaq tövsiyə olunur. Onu sadəcə tullamaq olmaz. Ona xidmətinə görə təşəkkür edin. Bu, köhnə enerjini bağlayaraq yenisinin qarşısını açar.

Bu qaydaları niyə izləmək vacibdir?

Sadə qaydalara riayət etməklə, maddi axınınızı aktivləşdirə bilərsiniz. Pulqabınız sadəcə bir əşya deyil, bolluq və rifah gətirən bir talismana çevrilə bilər. Əks halda, maddi fürsətlər əldən qaça bilər.

Kənan
Milli.Az