Maraqlı

Maskı ələ salan paylaşıma 520 min bəyənmə gəldi

27 Mart 2025 16:40
Baxış: 698
VTB-də minimal faiz dərəcəsi ilə nağd kredit 9.9%-dən
#MARAQLI

"Assassin's Creed Shadows" oyununun nümayəndələri milyarder İlon Maskı ələ salıb.

Milli.Az publika.az-a istinadən xəbər verir ki, milyarderin oyunu təbliğ edən Hasan Payker haqqında mənfi fikir bildirməsi "X" sosial şəbəkəsində müzakirələrə səbəb olub. Mask onu "pul üçün pis layihəni" təbliğ etməkdə ittiham edib.

Rəsmi "Assassin's Creed" hesabından reaksiya isə gecikməyib. "Bunu sizə Path of Exile 2-ni oynayan şəxs dedi?", - cümləsi ilə Maska ironik şəkildə cavab verilib.

Bu ifadə "Path of Exile 2"də oyun bacarıqları ilə öyünən Maskın personajlarının başqa insanlar tərəfindən yüksək səviyyəyə qaldırıldığının üzə çıxmasına işarədir. Belə ki, Mask "ən yaxşı oyunçulardan biri" olduğunu iddia etsə də, onun oyun mexanikası haqqında ümumiyyətlə anlayışı olmadığı anlaşılmışdı.

Milyarderə verilən cavab onlayn aləmdə maraqla qarşılanıb. Belə ki, həmin posta 520 mindən çox bəyənmə gəlib və 28 milyondan çox baxış olub. Maskın qalmaqalı başladan tənqidi paylaşımı isə cəmi 27 000 bəyənmə toplaya bilib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.