Bəşəriyyətin gizli "qiyamət anbarı"nın sirri açıldı: İçərisində görün nələr saxlanılır

Norveçin Svalbard arxipelaqının donmuş tundrası arasında gizlənmiş Svalbard Qlobal Toxum Anbarında milyonlarla toxum var. Gizli seyfin içi nadir görüntülər ortaya çıxana qədər illər boyu maraq mövzusu idi.

Milli.Az xəbər verir ki, dünyanın ən təhlükəsiz yeri kimi tanınan Svalbard Qlobal Toxum Anbarı elmi fantastika filmindəki səhnəyə bənzəyir. Fəlakət ssenarilərinə qarşı yaradılmış bu xüsusi struktur bəşəriyyətin gələcəyini təmin etmək üçün nəzərdə tutulub.

Svalbard arxipelaqı Şimal Buzlu Okeanın dərinliklərində yerləşir, ilin üç ayı tam qaranlıq, yayda isə 24 saat gündüz işığı olan bir bölgədir. 2022-ci il siyahıyaalmasına görə, burada cəmi 2504 nəfər yaşayır ki, bu da onu qiyamət anbarı üçün mükəmməl yer halına gətirir.

Svalbard Qlobal Toxum Anbarı dünyanın hər yerindən toplanmış milyonlarla toxumun ehtiyat nüsxələrini saxlayır. Norveç hökuməti, "Crop Trust" və "Nordic Genetik" Resurs Mərkəzinin rəhbərlik etdiyi layihə ərzaq təhlükəsizliyini təmin etmək üçün nəzərdə tutulub.

"Crop Trust"un rəsmi saytında deyilir: "Hazırda anbarda 1.214.827 toxum nümunəsi var, daha milyonlarla yer var. Məqsəd gələcək qida təminatımızı təmin etmək üçün gen bankı kolleksiyalarını qorumaqdır. İllərdir gizli saxlanılan seyfin içi bir müddət əvvəl nadir görüntülərlə üzə çıxıb. İçəri girdiyiniz zaman sizi qoşa qanadlı qapı və futuristik tunel qarşılayır. Buradan keçərək, üç parlaq metal qapılı böyük bir otağa çatırsınız. Bu qapıların hər biri fərqli bir toxum otağına açılır. Otaqların içərisində dünyanın hər yerindən ölkələrin və investorların göndərdiyi toxum qutuları rəflərdə düzülüb. Hər toxum kamerasının eni təxminən 32, hündürlüyü 20, uzunluğu isə 88 metrdir.

Dünyada 1700-dən çox gen bankı var, lakin bir çoxu təbii fəlakətlər, müharibələr, yanlış idarəetmə və maliyyə çatışmazlığı səbəbindən risk altındadır. Zəif işləyən bir dondurucu bütün kolleksiyanı məhv edə bilər. Gizli seyfə daxil olmaq qadağandır. Svalbard Vault yüksək təhlükəsizlik tədbirləri ilə qorunur. İçəridə heç bir genetik təcrübə və tədqiqat aparılmır, yalnız toxum nümunələri qorunur". /Publika.az

Milli.Az