Maraqlı

Evindən qəpik tapdı, milyonçu oldu - Maraqlı HADİSƏ

1 Fevral 2025 13:06

Baxış: 1 665

VTB-də minimal faiz dərəcəsi ilə nağd kredit 9.9%-dən

#MARAQLI

Hollandiyada aşkar edilən və XVII əsrə aid olan unikal sikkə ABŞ-də keçirilən hərracda 2,5 milyon dollara satılıb.

Milli.Az xəbər verir ki, Amsterdam sakini evində şkafları təmizləyərkən qəribə əşya ilə rastlaşıb. Tapılan əşyanın bir tərəfində kiçik NE hərfləri, digər tərəfində isə III Roma rəqəmi olan kiçik metal dairə olub. Amsterdam sakini tapılan əşyaya öncə əhəmiyyət verməyib, onu evdə bir tərəfə atıb. Bir neçə aydan sonra metal əşyanı araşdırmaq qərarına gələn sakin bu məqsədlə hollandiyalı mütəxəssislərə müraciət edib. Mütəxəsislərin müayinəsindən sonra məlum olub ki, tapılan əşya 1652-ci ildə Yeni İngiltərədə zərb edilən nadir üç qəpiklik sikkədir.

İşin maraqlı tərəfi isə o olub ki, bu sikkə unikaldır və dünyada yalnız iki nüsxəsinin olduğu bilinir. Alimlər hesab edirlər ki, üç penslik pul parçası ABŞ-nin ikinci prezidenti Con Adamsa məxsus ola bilər. Adams 1797-ci ildə ölkəyə rəhbərlik etməzdən əvvəl Hollandiyada səfir vəzifəsində çalışıb. Bir versiyaya görə, sikkə orada itə bilərdi. Mütəxəsislərin rəyindən sonra sahibi sikkəni Nyu Yorkdakı "Stack's Bowers" hərracasında satışa çıxarıb və burada ona 2,5 milyon dollara alıcı tapıb.

Alimlərə məlum olan ikinci belə sikkə 120 ildən artıqdır ki, Massaçusets Tarix Cəmiyyətinin kolleksiyasındadır./sfera.az

Milli.Az