Maraqlı

London 10 ildir birincidir - FOTOlar

3 Dekabr 2024 05:05

Baxış: 896

#DÜNYADA #MARAQLI #BRİTANİYA #İNGİLTƏRƏ

2025-ci ildə dünyanın 100 ən yaxşı şəhərinin adı açıqlanıb.

Milli.Az qafqazinfo-ya istinadən xəbər verir ki, bu reytinq "Dünyanın 100 ən yaxşı şəhəri" proqramının mütəxəssisləri tərəfindən tərtib edilib.

Siyahıda birinci yeri əfsanəvi metropol hesab olunan London tutub. Böyük Britaniyanın paytaxtının ardıcıl on ildir lider mövqe tutduğu bildirilir. Analitiklərin sözlərinə görə, bu şəhər turistlərə və sakinlərə canlı gecə həyatı təklif edir.

ABŞ-nin şəhəri olan Nyu-York siyahıda ikinci yerdə qərarlaşıb. Üçüncü yeri isə attraksionları və müxtəlif alış-veriş yerlərinin olması ilə Fransanın paytaxtı Paris tutub. İlk onluğa Tokio, Sinqapur, Roma, Madrid, Barselona, Berlin və Sidney də daxil olub.

Milli.Az