Maraqlı

Ən etibarsız krossoverlərin SİYAHISI

24 Fevral 2024 18:35
Baxış: 590
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İngilis "What Car?" avtomobil jurnalı ən pis elektrik krossoverlərinin reytinqini tərtib edib.

Milli.Az oxu.az-a istinadən bildirir ki, ən problemlilər siyahısına "Audi Q8 e-tron", "Jaguar I-Pace" və "Opel Mokka" daxildir.

İllik etibarlılıq araşdırması çərçivəsində 21 min sürücü arasında son iki ildə avtomobillərində qeydə alınan nasazlıqlar və problemlər, eləcə də təmirin dəyəri və vaxtı ilə bağlı sorğu keçirilib. Sorğunun nəticələrinə əsasən 32 brenddən 178 model haqqında məlumat toplamaq mümkün olub.

Tədqiqatın nəticələrinə görə ən az etibarlı krossover "Opel Mokka Electric" olub. Onun işində sürücülərin 40%-i akkumulyatorda, 27%-i media sistemində, 13%-i mühərrik, elektrik və sükan idarəetməsində problemlərdən şikayətləniblər. "Jaguar I-Pace" də aşağı etibarlılıq nümayiş etdirib, avtomobil sahiblərinin 42%-i onunla bağlı problemlərdən şikayətləniblər. Eyni zamanda, nasazlıqların 58%-nin aradan qaldırılması bir həftədən çox vaxt aparıb ki, onlardan 35%-i evakuator olmadan servis mərkəzinə çatdırıla bilməyiblər.

Antireytinqə daxil edilən üçüncü model "Audi Q8" krossoverinin elektrikli versiyası olub. Sorğuda iştirak edən sahiblərin 40%-i onun nasazlıqlarından şikayətləniblər. Qeyd olunub ki, onun əsas problemi elektrik avadanlıqları və media sistemindədir.

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.