Maraqlı

Milyarder daha iki nəfəri Aya uçuş üçün seçib

9 Dekabr 2022 21:07
Baxış: 413

Yapon milyarder Yusaku Maezava K-pop ulduzu TOP-u və DJ Stiv Aokini İlon Maskın SpaceX raketi ilə Aya birlikdə uçuş üçün seçib.

Milli.Az AZƏRTAC-a istinadən bildirir ki, tanınmış K-pop ulduzu və DJ yapon milyarderin Aya gələn ilə planlaşdırılan uçuş üçün seçəcəyi səkkiz yoldaşdan ikisi olacaq. Bu barədə o, #dearMoon adlandırdığı layihə ilə əlaqədar tviter və veb-səhifələrində paylaşımda bildirib.

Xatırladaq ki, Y.Maezava Aya ilk səyahət üçün 2018-ci ildə başlamış layihədə kosmik gəmidə olan bütün yerləri alıb. Bu onun "Soyuz" kosmik gəmisində 12 gün davam etmiş səyahətindən sonra ikinci belə uçuş olacaq.

Yaponiyalı moda maqnatı və onun yoldaşları Ayın ətrafına dolanacaq SpaceX kosmik gəmisinin ilk sərnişinləri olacaqlar. Bu layihə Ceff Bezosun "Blue Origin" və digər kommersiya şirkətlərinin varlı müştərilər üçün təşkil edəcəyi kosmik səyahətlər dövrünün başlanğıcı hesab edilir.

Y.Maezava səkkiz yoldaşını seçmək üçün öz mikrobloq saytından istifadə edib. Bu günədək həmin çağırışa bir milyondan çox insanın cavab verdiyi bildirilir.

Qrupda, həmçinin hindistanlı aktyor Dev Coşin də qrupda yer aldığı bildirilir. Bundan əlavə, amerikalı snoubordist Keytlin Farrinqton və yapon rəqqasə Miyu da heyətin ehtiyat üzvləri elan ediliblər.

Milli.Az

5 ilədək dəyişməz 14,5%-dən zaminsiz, komissiyasız 40 000 manatadək kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics