Maraqlı

Məktəbli gündə neçə dəfə qidalanmalıdır - Çantaya nə qoymalı?

19 Sentyabr 2022 22:05
Baxış: 508

"Məktəb dövründə uşaqlar düzgün qidalanmalıdırlar və onların yuxu rejiminə diqqət edilməlidir. Çünki hər iki amil onların gələcəkdə hansı xəstəliklərlə üzləşməsində aparıcı rol oynayacaq. Mütləq şəkildə uşaqların çantalarına meyvə-tərəvəz və isti yemək qoyulmalıdır".

Milli.Az medicina.az-a istinadən bildirir ki, Səhiyyə Nazirliyinin Qadın, ana, uşaq və yeniyetmələrin sağlamlığının qorunması sektorunun müdiri Aynurə Zeynalova bildirib ki, altıncı sinfə qədər onlar çantalarına yemək qoymağa imkan verirlər, amma yeniyetməlik dövründə çox zaman bununla razılaşmırlar:

"Təəssüf ki, məktəbdə satılan yeməklər də çox zaman onların sağlamlığına ziyan vura bilir. Fastfudlara çox yer verilməməlidir. Uşaqlar mütləq qidada süd və süd məhsullarına, ət, balıq və toyuq məhsullarına üstünlük verməlidirlər. Onlar gündə dörd dəfə qidalanmalıdırlar, iki səhər yeməyi yeməlidirlər.

Uşaqlara müayinə etmədən vitamin də vermək olmaz. Çünki həmin vitaminlər inkişafda olan orqanizmə ciddi ziyan vura bilər. Onlar kimyəvi dərman preparatlarıdır. Vitamin B, Vitamin C və ya Vitamin D həkim məsləhəti olmadan uşaqlara verilməsin. Onun yerinə meyvə-tərəvəz kimi təbii vitaminlər qəbul etmələrinə diqqət göstərsinlər".

Həkim immunitetin güclü olması üçün uşaqlara iki yaşadək ana südü verilməli olduğunu qeyd edib:

"Orqanizmin infeksiyalara qarşı mübarizə aparan müdafiə sistemi immunitetdir. İmmunitetin güclü olması üçün uşaq doğulduqdan sonra mütləq ana südü ilə qidalanmalıdır. Yaxşı olar ki, iki yaşlarına qədər onlara ana südü verilsin. İmmun sistemini zəiflədən faktorlar isə yetəri qədər var. Məsələn, əgər bir ilin içərisində üç dəfədən artıq antibiotikdən istifadə edilirsə, bu, immun sisteminin zəifləməsindən xəbər verir. Psixoloji faktorlar da immun sisteminin zəifləməsinə yol açır".

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics