Maraqlı

Qarın yatalağı

20 Sentyabr 2022 07:11
Baxış: 303

Qarın yatalağı-əvvəlcə bağırsağı, sonra isə qara ciyəri, öd kisəsi, dalağı zədələyən baktreial infeksion xəstəlikdir.
Ümumi məlumat:
Bu xəstəlik güclü yoluxucu xəstəlikdir, su və qida ilə orqanizmə daxil olur. Belə adam sağaldıqdan sonra da uzun müddət bakteriya daşıyıcısı olur.
Səbəbləri:
Törədicisi Salmonella typhi-dir. Sanitar-gigiyenik şəraiti pis olan rayonlarda tez yayılır. Qarın yatalağı epidemiyaları mümkündür.

Simptomları:
Xəstəliyin 1-ci həftəsində güclü baş ağrıları, öskürək, yüksək hərarət, üşütmə, iştahanın itməsi, əzginlik, yorğunluq, zəiflik, qəbizlik, qarında ağrılar qeyd olunur. 2-3-cü həftələrdə yüksək hərarət, diareya, kəskin zəiflik, qarnın böyüməsi müşahidə olunur. Temperatur düşdükdən sonra döşdə, qarın nahiyəsində səpgilər əmələ gəlir.
Ağırlaşmaları:
Ağırlaşmaları - bağırsaq qan axması, peritonit, pnevmoniya, xolesistit, tifoz psixoz, böyrək çatmamazlığı, xəstəliyin residivi, letal nəticə ola bilər.
Siz nə edə bilərsiniz:
Xəstəliyə şübhə olduqda mütləq tibbi yardıma müraciət etmək lazımdır.
Həkim nə edə bilər:
Həkim diaqnozu təsdiq etmək üçün analizlər təyin edir, xəstəni hospitalizasiya edir.
Müalicəsi:
Diaqnoz təsdiq edildikdə xəstə, xəstəxəna şəraitində müvafiq antibiotiklərlə müalicə olunur.
Profilaktikası:
Xəstəliyin qarşısını almaq üçün su təminatının düzgün təşkili, kanalizasiyanın çəkilməsinə, qida məhsullarının yığılma, hazırlanma, daşınma və satılma texnologiyasına ciddi əməl edilməlidir.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics