Maraqlı

Oğrunu düz yola hidayət edən ayə

2 Avqust 2022 20:50
0 Şərh     Baxış: 318

Fəzil adlı bir ərəbin əsl işi oğurluq idi. Ticarət karvanları onun əlindən xilas ola bilmirdilər. Yolu bağlayıb, karvanları soyardı.

Bir gecə evlərin damına çıxdı ki, oğurluq etsin və o zaman insanların bir çoxu yatmışdı. Möminlərdən biri ibadətlə məşğul idi və Quran oxuyurdu. O, həzin bir səslə bu ayəni tilavət edirdi: "İman əhli üçün o vaxt gəlib çatmamışdır ki, qəlbləri Allahı yada salmaq və nazil olmuş Quran üçün yumşalsın və təvazökar olsun".

Bu ayəni eşidən zaman Fəzilin daxilində bir inqilab baş verdi və elə həmin damdan Allaha belə xitab etdi: "Əgər mənə deyirsənsə, niyə vaxtı çatmışdır". Damdan yerə düşdü və hərəkət etdi.

Səhərə yaxın elə bir yerə çatdı ki, karvan yükünü yerə tökmüşdü. Karvan rəhbəri qafilə əhlini yavaş-yavaş çağırırdı ki, durun yüklərinizi yükləyin.

Məbada Fəzilin hücumuna məruz qalıb, maldan olasınız. Fəzil ağlar səslə karvan başçısını səslədi və dedi: "Karvan başçısı, qafiləni qorxutma. Qorxuduğunuz o iti keçən gecənin yarısı bağladılar və insanlar onun şərindən xilas oldular".

O, karvan sahiblərinə oğurladılqlarını qaytardı və ürfan əhlindən oldu. Arif şagirdlər tərbiyə etdi və özündən sonra nurani sözlər yadigar qoyub getdi.

Milli.Az

13,99%-dən 40 000 AZN-dək zaminsiz, komissiyasız KREDİT

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics