Maraqlı

Köpəkbalıqlarını öldürüb ciyərini yeyən balinalar imiş

1 İyul 2022 16:15
0 Şərh     Baxış: 1 053
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

2017-ci ildən bəri Cənubi Afrika sularında böyük ağ köpəkbalıqlarının kütləvi öldürülməsi halı baş verir ki, bunun da arxasında bir cüt erkək qatil balinanın dayandığı ehtimal olunur.

Milli.Az oxu.az-a istinadən xəbər verir ki, bu barədə Cənubi Afrikanın Dayer Adası Qoruğu bioloqlarının Afrika Dəniz Elmləri Jurnalında dərc olunan araşdırmalarında bildirilir.

Belə ki, iki balina ən azı səkkiz köpəkbalığını parçalayaraq öldürüb. Maraqlıdır ki, yeddi qətl halında cütlüyün yeddi dəfə qurbanlarının ciyərlərini yediyi məlum olub. Elm adamlarının vaxtaşırı olaraq ölü tapdıqları bəzi köpəkbalıqlarında isə ürək olmayıb. İki qatil balinanı döyüş izləri ilə tanımaq olar; bir balinanın üzgəci sağa, digərininki isə sola əyilib. Bu xüsusiyyətlərinə görə balinalara "Liman" və "Sağ göyərtə" adı verilib.

Bildirilir ki, köpəkbalıqlarının cəsədləri Cənubi Afrikanın Gansbay sahili ərazisində balina cütünün peyda olmasından dərhal sonra tapılmağa başlayıb. Alimlərin fikrincə, qatil balinalar üçün bu davranış normaldır, lakin onların yaşayış mühitinə belə güclü təsir göstərməsi olduqca nadir haldır.

Bölgədə uzun illər ərzində köpəkbalıqları üzərində aparılan müşahidələr sayəsində tədqiqatçılar aşkar ediblər ki, qatil balinalar yaxınlıqda olanda onlarla köpəkbalığı Gansbay sahilindən aktiv şəkildə uzaq durur. Qeyd olunan köpəkbalıqları bəzən üstünlük təşkil etdikləri ərazini həftələr və ya aylar ərzində tərk edə bilirlər.

Tədqiqatçıların fikrincə, köpəkbalıqlarının kütləvi miqrasiyası yerli ekosistemə təsir göstərib. Beləliklə, onların yerini dar dişli köpəkbalığı tutub və bu dəyişiklik ekosistemin bütün qida zəncirini məhv edə bilər.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.