Maraqlı

Tualet suyunu pivəyə çevirdilər

30 İyun 2022 20:37
1 Şərh     Baxış: 803

Sinqapurda tualet suyunu pivəyə çevirməyi öyrəniblər.

Milli.Az bildirir ki, Bloomberg-in məlumatına görə, təkrar emal edilmiş tullantı sularından hazırlanan NEWBrew adlı spirtli içki ölkə üzrə mağazalarda satılmağa başlayıb.

Tullantı pivəsi Brewerkz Pivə zavodu tərəfindən Sinqapurun Milli Su Agentliyi (PUB) ilə birgə istehsal olunur. İçkiyə əlavə edilməzdən əvvəl təmizləyici qurğunun suyu ultrabənövşəyi şüalarla dezinfeksiya edilir və zərərli hissəcikləri təmizləmək üçün xüsusi membranlardan keçirilir.

PUB ekspertləri hesab edirlər ki, tullantı sularından istehsal olunan pivə sinqapurluları resurslardan rasional istehlakın və təkrar istifadənin vacibliyinə inandırmağa kömək edəcək. Mütəxəssislərin fikrincə, çirkab suların təkrar emalı ideyası son onilliklərdə dünyada şirin su qıtlığı fonunda populyarlıq qazanır. Ümumdünya Vəhşi Təbiət Fondunun (WWF) hesablamalarına görə, dünyada 2,7 milyard insan ilin ən azı bir ayı su qıtlığı yaşayır.

Bəzi inkişaf etmiş ölkələr, məsələn, İsrail və Sinqapur artıq öz su təchizatı sistemlərinə tullantı sularının təmizlənməsini tətbiq ediblər. Texnologiyanın daha geniş istifadəsinə bu növ mayenin təhlükəliliyi və dadı ilə bağlı ictimai stereotip mane olur. Bununla belə, Brewerkz şirkətinin baş pivə istehsalçısı Mitç Qribov əmin edib ki, onların istifadə etdiyi suyun neytral dadı var və köpüklü içki hazırlamaq üçün idealdır. NEWBrew-in dadına baxan insanlar da ənənəvi spirtli içkidən heç bir fərq görmədiklərini bildiriblər.

İrfan Vəliyev
Milli.Az

13,99%-dən 40 000 AZN-dək zaminsiz, komissiyasız KREDİT

Şərh yaz:

1 Şərh:

  • Anonim
    46 · 30 İyun 21:1000

    Bu nə idi axşam-axşam(((((

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics