Maraqlı

Azerbaijan Fashion Week, 12-ci mövsüm, 2-ci gün - FOTO

23 May 2022 13:59
Baxış: 411

Hilton otelində növbəti, əsas mövzusu xalqlar arasında dostluq və sülh olan Azerbaijan Fashion Week / Azərbaycan Moda Həftəsinin 12-ci mövsümünün ikinci günü azyaşlı modellərin iştirak etdiyi defile ilə başladı. Uşaq bloku heç kimi biganə qoymadı. Runaway Show uşaq podium şousunda Volskaya, Aisha, Inju, Azizli Kids Collection, Princess Amira kimi yerli və beynəlxalq brendlər iştirak etdi. Dizaynerlər məktəblilərə və yeniyetmələrə valideynlərinin dəbli qarderobundan bəhrələnən gündəlik moda ilə yanaşı, Şərqdə sevilən bayramlarda geyinmək üçün müxtəlif dəbdəbəli paltarlar və komplektlər təqdim etdilər.

Böyüklər üçün hissə DÄBZ brendinin nümayişi ilə başladı. Markanın yaradıcısı - stilist, influencer və "Style Me" moda məktəbinin təsisçisi - Elnara de Birbuet həyatı əlvan, zəngin rənglərlə boyayır. Bel nahiyəsi vurğulanan şalvar-kostyumlar, sərbəst biçimli pencəklər, kişi köynəyinə bənzər üslübda üst geyimi ilə qısa ətək və şortlar - kolleksiya gözəçarpan yaşıl, günəş sarısı və al qırmızının əlvan çalarlarına boyanmışdı.

Qazaxıstanı əsas xətti bənövşəyi, narıncı və qara olan futuristik, cəsarətli kolleksiyası ilə na_mi_lab Lariya School təmsil etdi.

Tacikistan Azərbaycan Moda Həftəsində milli motivləri müasir interpritasiyada təqdim edilən, Tacikistan Fashion Week iştirakçılarının ən yaxşı dizaynerlərinin əsərlərini nümayiş etdirdi.

Daha sonra Azərbaycanın Əməkdar İncəsənət Xadimi Fəxriyyə Xələfova podiumda öz yeni kolleksiyasını nümayiş etdirdi. "Bella Rosa" (Füsünkar qızılgül) adlanan kolleksiyada dizaynerin sevimli çiçəyi - qızılgülün müxtəlif növlərinin rəng çalarları öz təzahürünü tapmışdı. Xanım Xələfova əsərlərini italyan zərgərlik markası "Spoleto Gioielli" ilə vəhdətdə təqdim elədi.

Guli brendinin istifadə etdiyi parçalar, xüsusən də zərif məxmərin isti çalarları Qazaxıstanın abu-havasını ötürə bildi. Müəllif milli motivləri sadəcə print şəklində deyil, biçimlərə də əlavə etmişdi.

Azerbaijan Fashion Week / Azərbaycan Moda Həftəsinin 12-ci mövsümünün ikinci günü Günel İsmayılova və onun GNL brendinin ziyafət geyimlərindən ibarət kolleksiyasının nümayişi ilə tamamlandı.

İnformasiya dəstəyi - Trend.az, Day.az, Milli.Az, Azernews.az

Məqaləyə dair fotomateriallar:

İllik 14.5%-dən 30 000 manat zaminsiz komissiyasız kredit

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics