Maraqlı

Dondurmaların tərkibində antibiotiklər aşkar edilib - Siyahı

10 May 2022 23:30
3 Şərh     Baxış: 941

Rusiyada dondurmaların tərkibində müxtəlif bakteriyalar aşkar edilib.

Milli.Az medicina.az-a istinadən bildirir ki, ən populyar 34 plombir markası yoxlanılıb. Onlardan yalnız üç növ plombir QOST-un keyfiyyət standartından kənara çıxıb.

Tərkibində kərə yağının əvəzinə bitki yağı qatıldığı, turşuluğunun həddən artıq olması təsbit edilib.

Bu isə bağırsaq çöpləri yaradır. Həmçinin bir sıra mədə-bağırsaq xəstəliyinə yol aça bilər.

Qurum, yararsız çıxan dondurmaların adlarını da açıqlayıb. Bunlar Moskva vilayətində isthsal olunan "Russkiy xolod"un məhsulları, Tomsk istehsalı olan "Eskimos" və "Voloqodskiy Plombir"dir.

Bununla yanaşı tam yararsız olmasa da, keyfiyyət standartının pozulması halı 12 marka plombirdə də aşkarlanıb. "Beloye zoloto" (Leninqrad vilayəti) və "Bodraya korova" (Belqorod vilayəti) markaları altında olan məhsullarda bitki yağları aşkarlanıb.

"Kak bılo" və "Sibxolod" (hər ikisi Omsk vilayətində istehsal olunur) dondurmalarının tərkibində nişasta göstərilməyib. "Artek" (Voloqod vilayəti) və "Volqoqradskiy plombir" (Volqoqrad vilayəti) dondurmalarının tərkibində isə bağırsaq çöpləri aşkarlanıb. "Volqoqradskiy plombir" dondurmasının tərkibində levomisetin antibiotiki, "Lipetskoye" plombirində isə tetrasiklin qrupu antibiotikləri tapılıb.

Qeyd edək ki, sözügedən dondurmaların əksəriyyətinə Azərbaycanda da rast gəlmək mümkündür. Yerli marketlərdə satılan Rusiya istehsalı olan dondurmaların keyfiyyət göstəricilərinin necə olduğu məlum deyil.

Milli.Az

40 000 AZN-dək krediti ONLAYN sifariş et!

Şərh yaz:

3 Şərh:

  • Anonim
    DDT · 11 May 09:1520

    Bizdə lap çox ehtiyac var dondurma yoxlamalarına. Həmdə ciddi.

    Cavab yaz
  • Anonim
    Muxomor · 11 May 10:3120

    Hazırkı dondurmalara demək olar ki, hamısına bitki yağı istifadə olunur. Dondurma soyuducuda olsa da yumşaq olur, çünki kərə yağı olmur ona görə də donmur. Dondurmanın da saxlama müddəti olur, özü də bir neçə gün. Amma bizdə bəlkə də həftələrlə satışda olur, bəlkə də aylarla.

    Cavab yaz
  • Anonim
    Uçqun · 11 May 12:2900

    İndi neynəyək,dondurma da yeməyək?????(((((((

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics