PUL
.jpg)
.jpg)
Ağsuda kəndlərdən birinə canavarlar hücum edib. Azğınlaşmış heyvanlar 20 baş qoyunu parçalayıblar. Kənddə oxşar hadisələr bundan öncə də baş verib. Ötən gecə Ağsunun dağ kəndi olan Gəgəliyə canavarlar hücum edib. Sakinlərdən birinə məxsus tövlədə saxlanılan bütün qoyunlar yırtıcılar tərəfindən parçalanıb.
Kanal S (Region TV) xəbər verir ki, ev sahibi hadisədən gec xəbər tutub. Səs-küyü eşidib çölə çıxan ev sahibi tövlənin qapısının açıq olduğunu və bu zaman bir neçə canavarın oradan çıxaraq qaçdığını görüb. Ardından tövləyə girdikdə dəhşətli mənzərənin şahidi olub.
20 baş heyvandan heç biri canavarların dişindən sağ qurtara bilməyib. O, qonşuları köməyə çağırsa da, artıq gec olub. Hadisə nəticəsində kənd sakininə təxminən 3 min manat dəyərində maddi ziyan dəyib. Sakinlər belə hadisələrin tez-tez təkrarlandığını deyirlər.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
.jpg)
.jpg)
.jpg)
