Hadisə

Toy karvanının qəzaya uğraması nəticəsində ölən 9 nəfərin adı açıqlandı - FOTO - VİDEO

29 Sentyabr 2014 16:35
13 Şərh     Baxış: 16 763
17:35

Bakı-Şamaxı-Yevlax avtomobil yolunda baş verən yol qəzasında ölənlərin adları məlum olub

APA-nın xəbərinə görə, bu gün saat 13:30 radələrində yolun 193-cü kilometrliyində, Göyçayın Şahsoltanlı kəndi ərazisində "Mercedes" markalı minik maşını qarşı tərəfdən gələn 23-BX-232 dövlət nömrə nişanlı, "Mitsubishi Pajero" markalı minik maşını ilə toqquşub. Baş verən yol qəzasında "Mitsubishi Pajero" markalı minik maşının sürücüsü, Göyçay rayonu Potu kənd sakini Əsgərov Bəxtiyar Firudin oğlu ağır bədən xəsarətləri ilə Göyçay Mərkəzi rayon Xəstəxanasının reanimasiya şöbəsinə yerləşdirilib. Onun həyat yoldaşı, 1965-ci il təvəllüdlü Əsgərova Nahidə Seyfəddin qızı, atası 1936-cı il təvəllüdlü Əsgərov Firudin Ələkbər oğlu, anası 1938-ci il təvəllüdlü Əsgərova Lumu Kərim qızı aldığı ağır bədən xəsarətləri səbəbindən dünyasını dəyişib.

Həmçinin Ağsudan Göyçayın Şahsoltanlı kəndinə toy mərasiminə gedən maşın karvanındakı "Mercedes" markalı minik avtomobilinin sürücüsü - Ağsu şəhər sakini, 1962-ci il təvəllüdlü Məmmədov Davud Məmməd oğlu, eləcə də sərnişinlər - Ağsu sakinləri, 1963-cü il təvəllüdlü Məmmədova Jalə Qubadəli qızı, 2014-cü il təvəllüdlü Bədəlova Mələk Rauf qızı, 1985-ci il təvəllüdlü Məhərrəmli Günel Veyis qızı, 2008-ci il təvəllüdlü Məhərrəmov Ramiz Rüstəm oğlu, 1990-cı il təvəllüdlü Bədəlova Gülay Davud qızı aldıqları ağır bədən xəsarətləri səbəbindən hadisə yerində dünyasını dəyişib.

Qeyd edək ki, avtomobillərin toqquşması səbəbindən Şamaxı-Yevlax avtomobil yolunda nəqliyyatın hərəkəti bir saatdan çox müddətdə məhdudlaşıb.


----------
16:14

Bakı-Şamaxı-Yevlax avtomobil yolunda baş verən yol qəzasında ölənlərin sayı 9-a çatıb


APA-nın xəbərinə görə, hadisə yerinə gələn Fövqəladə Hallar Nazirliyinin İsmayıllı Dövlət Yanğından Mühafizə Hissəsinin yanğınsöndürən-xilasetmə qrupunun üzvləri xüsusi kəsici alətlərdən istifadə edərək deformasiyaya uğramış maşınlardan, hələ ki, şəxsiyyəti məlum olmayan 3 qadın və bir kişinin meyitini çıxarıblar.

Hadisə zamanı ağır yaralanan 6 şəxs Ağsu və Göyçay xəstəxanalarına aparılıb. Sonradan yaralılardan 5 nəfəri də dünyasını dəyişib. Hazırda ölən şəxslərdən 6-nın meyiti Məhkəmə Tibbi Ekspertiza və Patoloji Anatomiya Birliyinin Ağsu rayon şöbəsində, 3-nün meyiti isə Göyçay rayon şöbəsindədir.

Bir nəfər yaralı isə ağır vəziyyətdə Göyçay Mərkəzi rayon Xəstəxanasının reanimasiya şöbəsinə yerləşdirilib.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.

----------
14:50

Bakı-Şamaxı-Yevlax avtomobil yolunda 4 nəfərin ölümü ilə nəticələnən ağır avtomobil qəzası baş verib


APA-nın xəbərinə görə, hadisə bu gün saat 13:30 radələrində yolun 193-cü kilometrliyində, Göyçayın Şahsoltanlı kəndi ərazisində qeydə alınıb.

Məlumata görə, hadisə həmin kənddə keçirilən toy mərasiminə gedən qonaqları aparan minik maşınlarının karvanında baş verib.

Gəlin aparan maşınların toy karvanında olan 90-BP-886 dövlət nömrə nişanlı, "Mercedes" markalı minik maşını qarşı tərəfdən gələn 23-BX-232 dövlət nömrə nişanlı, "Mitsubishi Pajero" markalı minik maşını ilə toqquşub.

Hadisə zamanı 4 nəfər dünyasını dəyişib. Hadisə yerinə gələn Fövqəladə Hallar Nazirliyinin İsmayıllı Dövlət Yanğından Mühafizə Hissəsinin yanğınsöndürən-xilasetmə qrupunun üzvləri xüsusi kəsici alətlərdən istifadə edərək deformasiyaya uğramış maşınlardan hələ ki, şəxsiyyəti məlum olmayan 3 qadın və bir kişinin meyitini çıxarıblar. Hadisə zamanı 4 nəfərin də ağır yaralandığı bildirilir. Yaralılar Ağsu və Göyçay xəstəxanalarına aparılıblar.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.

Milli.Az

----------
17:15

Böyütmək üçün şəkillərə klikləyin.



Videoları izləmək üçün şəkillərə klikləyin.


-----------
16:14



----------
14:50

Böyütmək üçün şəkillərə klikləyin.



loading...

Şərh yaz:

13 Şərh:

  • Anonim
    Anonim · 29 Sentyabr 2014 14:2400

    bu cavanlar toy yiyesinide pesman edirler allah uzaq elesin

    Cavab yaz
    • Anonim
      Anonim · 30 Sentyabr 2014 08:4400

      Orada heç cavan olub ki ? Cavanlar da böyüklərə baxıb "öyrənirlər"

      Cavab yaz
  • Anonim
    Anar · 29 Sentyabr 2014 15:3900

    Yüksək sürət,yol hərəkəti qaydalarının pozulması bu faciəni yaşatdı.Səhv insan həyatını necə də puç edir.

    Cavab yaz
  • Anonim
    Anonim · 29 Sentyabr 2014 16:2500

    Cox pis. Allah hec kime gostermesin. Gorunur suret cox olub.Yaziqlarin toylari yasa dondu. Allah olenlere rehmet elesin.
    K....30

    Cavab yaz
  • Anonim
    Anonim · 29 Sentyabr 2014 16:5200

    orda usaq ayaqqabisi var idi... cox pis oldum Allah hec kime gostermesin

    Cavab yaz
  • Anonim
    Ayka · 29 Sentyabr 2014 16:5900

    vay vay allah rehmet elesin allah heckimi gorsedmein coox pis dertdi.9.

    Cavab yaz
  • Anonim
    Anonim · 29 Sentyabr 2014 18:2900

    Allahim ne boyuk faciye ureyim sizladi agir derd Allah sebir versin

    Cavab yaz
  • Anonim
    Anonim · 29 Sentyabr 2014 18:3500

    Toy karvanında sürücülər maşını vəhşi kimi sürürlər,yersiz hərəkətlər edirlər.Axırı da belə olur.Belə hadisələr hər kəsə dərs olmalıdı.Əgər sürücü maşını pis sürürsə sərnişinlər buna etiraz etməlidi.İnsanlar həyatlarının,sağlamlıqlarının dəyərini bilməlidi.

    Cavab yaz
  • Anonim
    Anonim · 29 Sentyabr 2014 19:4300

    seher evden cixanda toy adiyla gedibler daha bilmeyiblerki olume gedirler

    Cavab yaz
  • Anonim
    Anonim · 30 Sentyabr 2014 08:2600

    Agir faciedir !!! Allah rehmet etsin ! Allah butun yolda olanlari qeza ve belalardan hifz etsin !!!

    Cavab yaz
  • Anonim
    Anonim · 30 Sentyabr 2014 09:4300

    ALLAH Rehmət elesin...((((((( ALLAH heç kimə bele ağır dərd verməsin(

    Cavab yaz
  • Anonim
    Anonim · 30 Sentyabr 2014 09:5700

    Vay vay cox pis oldum dehwet Allah he kese gorsetmesin

    Cavab yaz
  • Anonim
    AnoniFƏRZANƏm · 30 Sentyabr 2014 10:5700

    MAŞININ BİRİ GƏLİN GƏTİRMƏTƏ BİRİ İSƏ YASA GEDİRMİŞ..DƏHŞƏTDİR.YASA GEDƏN NAHİDƏ ÇOX YAXŞI İNSAN İDİ YERİ CƏNƏT BEHİŞT OLSUN ..HAYIF SƏNƏN AY ..NAHİDƏ BACI..ÇOX..ÇOX..ARZULARIN ÜRƏYİNDƏ QALDI..

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.