Hadisə

Yevlaxda dəhşətli qəza: 2 ölü, 3 yaralı - YENİLƏNİB

21 Avqust 2014 18:05
0 Şərh     Baxış: 4 613
VTB-də minimal faiz dərəcəsi ilə nağd kredit 9.9%-dən
#POPULYAR XƏBƏRLƏR #AZERBAİJAN #HADİSƏ #QƏZA #MİTSUBİSHİ MOTORS CORP

Yevlaxda baş verən yol qəzasında 2 nəfər ölüb, 3-ü yaralanıb


18:05

Bu gün saat 13:30-da Bakı-Qazax magistral yolunun Yevlax rayonunun ərazisindən keçən 290-cı kilometrliyində 2 nəfərin ölümü, 3-nün yaralanması ilə nəticələnən yol qəzası baş verib. Milli.Az El TV-yə istinadən xəbər verir ki, Bakı şəhər sakini, 1961-ci il təvəllüdlü Azad Mahmudov "Mitsubishi" markalı minik avtomobilini idarəetməni itirərək yolun kənarına aşırıb.

Nəticədə avtomobildə olan sərnişinlər - Ucar rayon sakini, 1956-cı il təvəllüdlü Mahmud Həmid oğlu Atayev və Göyçay rayon sakini, 1957-ci il təvəllüdlü Zərifə Məhəmməd qızı Əlirzayeva hadisə yerində dünyasını dəyişib. Sürücü Azad Mahmudov, eləcə də Bakı şəhər sakini, 1966-cı il təvəllüdlü Zərnişan Məhəmməd qızı Əlirzayeva və Hacıqabul rayon sakini, 2007-ci il təvəllüdlü Aysu Sabir qızı Bağırova yaralanıb. Onlar Yevlax Rayon Mərkəzi Xəstəxanasının reanimasiya şöbəsinə yerləşdiriliblər.
Faktla bağlı araşdırma aparılır.


----------
16:18

Bakı-Qazax yolunda avtomobilin aşması nəticəsində iki nəfər ölüb

Bakı-Qazax magistral yolunun Yevlaxın Səmədabad kəndindən keçən hissəsində ağır yol qəzası baş verib.

Anspress-in verdiyi məlumata görə, yolda "Mitsubishi" markalı avtomobil aşıb. Avtomobildə olan sərnişinlərdən ikisi hadisə yerindəcə dünyasını dəyişib. Avtomobilin sürücüsü və digər iki sərnişin Yevlax mərkəz Rayon Xəstəxanasına gətirilib. Aralarında azyaşlı olduğu deyilən yaralılardan birinin vəziyyəti ağır qiymətləndirilir.

Sürücünün sözlərinə görə, qarşısındakı yük maşınını keçmək istəyərkən idarəetməni itirib və maşın aşıb.

Baş vermiş faktla bağlı Baş Dövlət Yol Polis İdarəsində araşdırma aparılır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.