Hadisə

İcra nümayəndəsinin adı çəkilən torpaq işi: 70 min aldadıldı

16 Fevral 2026 15:23

Baxış: 421

VTB-də minimal faiz dərəcəsi ilə nağd kredit 10.49%-dən

#HADİSƏ

Mingəçevir Şəhər İcra Hakimiyyəti Başçısının 2 saylı sahə inzibati ərazi dairəsi üzrə nümayəndəsi Nəriman İsmayılovla dələduzluqla üzləşib.

Milli.Az Qaynarinfo-ya istinadən xəbər verir ki, Nəriman İsmayılovun əvvəldən tanıdığı şəxslərdən biri Mingəçevir şəhəri, N.Rəfibəyli küçəsində yerləşən 0,07 ha torpaq sahəsini ona satacağı barədə vəd verib. Bunun müqabilində isə icra nümayəndəsindən 70 000 manat pul alıb. Lakin həmin şəxs vədini yerinə yetirməyib. Onun başqa bir neçə nəfərə qarşı da dələduzluq etdiyi bildirilir.

Şikayətlər əsasında saxlanılan həmin şəxs barəsində Cinayət Məcəlləsinin 178.3.2-ci maddəsi ilə cinayət işi başlanıb. Həmçinin məhkəmənin qərarı ilə barəsində həbs qətimkan tədbiri seçilib.

Cinayət işinə Şəki Ağır Cinayətlər Məhkəməsində hakim Rafail Əliyevin sədrliyi ilə baxılıb. Müttəhim məhkəmə zamanı verilmiş ittiham üzrə özünü qismən təqsirli bilib. O, xüsusilə Nəriman İsmayılova qarşı epizodu qəbul etməyib. Müttəhim həmin torpaq sahəsini guya "böyük məmur"a satması yalan olduğunu bildirib. O, Nəriman İsmayılovun sözügedən məmurun qohumu olduğunu və məhz həmin vəzifəli şəxs tərəfindən zərərçəkmiş kimi ondan şikayətçi olmağa məcbur edilib.

Mediada gedən məlumatlara görə, Nəriman İsmayılov Mingəçevir Şəhər İcra Hakimiyyətinin başçısı İlham İsmayılovun yaxın qohumudur. Ehtimal etmək olar ki, müttəhim icra başçısı nəzərdə tutur.

Məhkəmənin hökmü ilə təqsirlənidirilən şəxs 6 il 6 ay müddətinə azadlıqdan məhrumetmə cəzasına məhkum edilib.

Milli.Az